Bygningurin til Sjóvinnustýrið kostar 14 mió. kr.

02.10.2017 - 15:14
AktueltPolitikkur
Bygningurin til Sjóvinnustýrið kostar 14 mió. kr.
Nýggi bygningurin skal eftir ætlan verða liðugur í 2019
Mynd: Savnsmynd  
 
 

Nýggi bygningurin hjá Sjóvinnustýrinum í Vágum verður mettur at kosta 13,7 milliónir krónur, og tá er innbúgv ikki íroknað. 

Tað verður upplýst í fíggjarlógaruppskotinum fyri næsta ár.

Sjóvinnustýrið hevur síðani á sumri í fjør húsast í fyribilshølum, eftir at stovnurin varð noyddur at flyta úr hølunum í Miðvági.

Eingi hóskandi høli eru til Sjóvinnustýrið í Vágum, og tí verður farið at byggja nýggjan umsitingarbygning í oynni.

Byrja næsta ár

Arbeiðið verður boðið út næsta ár, og tá verður eisini farið undir byggingina. 

Nýggi bygningurin hjá Sjóvinnustýrinum verður eftir ætlan liðugur í 2019. 

Fimm milliónir verða játtaðar næsta ár, og hinar 8,7 milliónirnar verða játtaðar í 2019. 

Nýggjastu sendingar í ÚV
Nýggjastu sendingar í SV
Mikudag 18. oktober
Hetjur í hæddunum
Mánadag 16. oktober
3-2
Sunnudag 15. oktober
Andaktin
Sunnudag 15. oktober
Møti úr Frelsunarherinum
Hósdag 12. oktober
Kendir føroyingar: Kjølbro