- Tíðindi, mentan og ítróttur
Bygningurin til Sjóvinnustýrið kostar 14 mió. kr.
Bygningurin til Sjóvinnustýrið kostar 14 mió. kr.
Nýggi bygningurin skal eftir ætlan verða liðugur í 2019
02.10.2017 - 15:14
Nýggi bygningurin hjá Sjóvinnustýrinum í Vágum verður mettur at kosta 13,7 milliónir krónur, og tá er innbúgv ikki íroknað.
Tað verður upplýst í fíggjarlógaruppskotinum fyri næsta ár.
Sjóvinnustýrið hevur síðani á sumri í fjør húsast í fyribilshølum, eftir at stovnurin varð noyddur at flyta úr hølunum í Miðvági.
Eingi hóskandi høli eru til Sjóvinnustýrið í Vágum, og tí verður farið at byggja nýggjan umsitingarbygning í oynni.
Byrja næsta ár
Arbeiðið verður boðið út næsta ár, og tá verður eisini farið undir byggingina.
Nýggi bygningurin hjá Sjóvinnustýrinum verður eftir ætlan liðugur í 2019.
Fimm milliónir verða játtaðar næsta ár, og hinar 8,7 milliónirnar verða játtaðar í 2019.
Nýggjastu sendingar í ÚV
Nýggjastu sendingar í SV