Kanna um gerningsmaðurin var einsamallur

Kanna um gerningsmaðurin var einsamallur
Løgreglan í Las Vegas kannar í løtuni fráboðanir um skottilburðir í víðagitnu gøtuni, The Strip.
Mynd: AP-tíðindastovan  
 
02.10.2017 - 10:49

Tað er ógreitt, hvat hendi, men sambært fyribils upplýsingum, vórðu nógv skot latin av frá einum vindeyga í Mandalay Bay Hotel.

Á tíðindafundi hjá løgregluni um skottilburðin, segði Joseph Lombardo, politimeistari í Las Vegas, at í mista lagi 20 fólk hava latið lív og meira enn 100 eru særd. Og gerningsmaðurin er deyður.

Sjónbond á sosialum miðlum vísa hundraðtals fólk, sum flýggja burtur frá opnu Western-konsertini nærindis Mandalay Bay Hotel.

Myndugleikarnir hava stongt part av The Strip, skrivar Reuters.

Hildið verður, at bert ein persónur hevur latið skotini av, men løgreglan kannar kortini, um fleiri gerningsmenn hava verið, sigur politimeistarin í Las Vegas. 

Løgreglan vil ikki upplýsa, hvør gerningsmaðurin er, men sigur, at talan er um ein persón, sum býr í býnum.

Løgreglan vísur aftur øllum tíðindum um bilar við bumbum í, og at skottilburðir hava verið á øðrum gistingarhúsum.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (2:3)
40585
Mikudag 27. mars
Frætt og fregnað 1 (1:3)
40584