Fiskimálaráðið hevur stóra ráðstevnu - í Malta

03.10.2017 - 07:28
AktueltVinna
Fiskimálaráðið hevur stóra ráðstevnu - í Malta
Oyggjasamfeløg skulu fáa meira burtur úr sjónum og nýggjar møguleikar at selja tað
Føroyingar høvdu formansskapin í norðurlendska fiskivinnusamstarvinum í 2015 og skipa nú fyri ráðstevnu í Malta.
Mynd: Savnsmynd  
 
 

Fiskimálaráðið hevur í hesum døgum altjóða ráðstevnu, ikki í Føroyum, men í Valletta, høvuðsstaðnum í Malta.

Á ráðstevnuni viðgera oyggjasamfeløg møguleikarnar at gagnnýta havtilfeingi betur.

Endamálið er at virka fyri størri samstarvi og betri samskifti um verkætlanir, sum kunnu stuðla búskaparmenning í oyggjasamfeløgum.

Ætlanin er at finna nýggjar vinnur og marknaðir.

Nógv lond eru við á ráðstevnuni, og har eru eisini FAO og ES.

Ólavur, Sissal og Høgni

Ólavur Gregersen frá Ocean Rainforest fer at leggja fram royndirnar við taraframleiðslu, og Sissal Kristiansen greiðir frá royndunum at gera mótaklæði burtur úr eitt nú tara og fiskaskræðu. 

Í morgin verður Høgni Hoydal, landsstýrismaður, fundarstjóri á fundi, sum skal taka støðu til, hvussu ráðstevnan kann geva íblástur til framhaldandi samstarv. 

Ráðstevnan, sum eitur so mikið sum Large Ocean Nations Forum on Blue Economy er komin í lag, tí Fiskimálaráðið hevði formansskapin í norðurlendska fiskivinnusamstarvinum í 2015. 

Norðurlendska ráðharraráðið, Norrønt Atlantssamstarv, stytt NORA, Matvøru- og landbúnaðarfelagsskapurin hjá ST, tað er FAO, og bretska Commonwealth stuðla ráðstevnuni. 
 

Nýggjastu sendingar í ÚV
Hósdag 26. apríl
Óendaliga vera - 10.partur
78585
Hósdag 26. apríl
Flaggdagur og sjónleikur
80285
Hósdag 26. apríl
Radarin: Børn lesa ov lítið
80286
Hósdag 26. apríl
Áðrenn Elvis - 260418
80265
Týsdag 24. apríl
Nón - TemaTýsdagur, Grønland
80214
Nýggjastu sendingar í SV
Hósdag 26. apríl
Játtanarsøgur leikstjórans
80278
Mikudag 25. apríl
25 minuttir: Jóannes Jakobsen
80057
Mánadag 23. apríl
3-2
80181
Sunnudag 22. apríl
Møti úr Ebenezer í Havn
80107
Sunnudag 22. apríl
Andaktin
80122