Nú vilja nógv búgva á Hamrabøi í Kollafirði

04.10.2017 - 07:59
AktueltPolitikkur
Nú vilja nógv búgva á Hamrabøi í Kollafirði
Eisini fólk uttan fyri Tórshavnar kommunu eru við lutakastinum. 53 hava boðað frá áhuga. 11 vóru á bíðilistanum, áðrenn hann hvarv
Lutakast verður um 12 grundstykki í Kollafirði.
 
 

Yvir hálvthundrað fólk vilja keypa grundstykki á Hamrabøi í Kollafirði.

Tórshavnar kommuna boðar frá, at nú freistin er farin, hava 53 skrivað seg upp til lutakastið um tey 12 stykkini.

Grundstykkini á Homrum eru bílig sammett við onnur grundstykki, sum kommunan selur.

Bílig stykki

Stykkini eru í miðal 544 fermetrar, og tey kosta góðar 255.000 kr. 

22 stykki er á Hamrabøi. 

Tey vórðu øll boðin teimum 11 á bíðilistanum, sum vildu keypa á Hamrabøi, við lutakasti eftir teirri mannagongd, sum hevur verið brúkt higartil. 

Øll sleppa við

Nú eru 12 stykki eftir og mannagongdin ein onnur. Eingir bíðilistar eru nú. 

Og fyri fyrstu ferð ber eisini til hjá fólki, sum ikki búgva í Tórshavnar kommunu, at keypa grundstykki frá kommununi.

Seinni í ár fer Tórshavnar kommuna at hava lutakast um stívliga 40 grundstykki við Klingurstjørn á Argjum. 

Nýggjastu sendingar í ÚV
Leygardag 21. juli
Morgunlestur leygardagin 21. juli 2018
82861
Leygardag 21. juli
Frítíð og náttúra (3:4)
83444
Fríggjadag 20. juli
Summartímin hósdagin 19. juli
83505
Nýggjastu sendingar í SV
Leygardag 14. juli
Video: Vestanstevna 2018, 10mf
83337
Leygardag 14. juli
Video: Vestanstevna 2018, 5mf kvinnur
83336
Leygardag 14. juli
Video: Vestanstevna 2018, 8mf
83335
Leygardag 14. juli
Video: Vestanstevna 2018, 6mf menn
83334