Uttanumtos sigur Annika um Kristinu

04.10.2017 - 07:42
AktueltPolitikkur
Uttanumtos sigur Annika um Kristinu
Land og kommunur mugu gjalda fyri tey øki, tey hava ábyrgdina av, sigur borgarstjórin í Havn
Annika Olsen kallar grundgevingarnar um kommunuskattin hjá Kristinu Háfoss uttanumtos.
Mynd: Savnsmynd  
 
 

Uttanumtos kallar borgarstjórin í Tórshavnar kommunu, Annika Olsen, tað, sum Kristina Háfoss, landsstýriskvinna, segði í Útvarpinum í gjár um kommunuskattin.

Landið ætlar at geva fyritíðarpensjónistum 1000 kr. meira um mánaðin.

Tað kostar kommununum 25 mió. kr. í skattainntøkum.

Men samanumtikið geva átøkini hjá landsstýrinum í øllum valskeiðinum kommununum fleiri pengar, segði Kristina Háfoss.

Hon skilir ikki, hvat eitt greitt fíggjarligt ábyrgdarbýti millum land og kommunur merkir, sigur Annika Olsen. 

Samhaldsfasti

Millum annað segði Kristina Háfoss, at kommunurnar fáa meira skatt, tá útgjaldið úr Samhaldsfasta hækkaði í fjør.    

Men tað eru arbeiðstakarar og arbeiðsgevarar, sum gjalda Samhaldsfasta, sigur Annika Olsen. 

Hví skal tað geva landsstýriskvinnuni í fíggjarmálum rætt til at senda kommununum eina rokning upp á 25 mió. kr., spyr Annika Olsen.

Hon sigur eisini, at undanfarna samgonga gav fólkapensjónistum størri viðbót. 

Ábygd og fígging fylgjast

Hetta gav landi og kommunum størri skattainntøkur. 

Men hví gevur hetta landsstýriskvinnuni í fíggjarmálum rætt til at senda kommununum eina rokning upp á 25 mió. kr., spyr Annika Olsen.

Hon sigur, at land og kommunur mugu sjálvi fíggja tey øki, sum tey hvør í sínum lag hava ábyrgd av. 

Landið hevur ábygd av fyritíðarpensjónistum.

 

Nýggjastu sendingar í ÚV
Hósdag 19. apríl
Kvørnin ummælir "Lagna"
80050
Hósdag 19. apríl
Nón í Vágum
80033
Hósdag 19. apríl
Óendaliga vera - 9.partur
78584
Hósdag 19. apríl
Áðrenn Elvis - 190418
80009
Hósdag 19. apríl
Morgunlestur hósdagur 19. apríl 2018
79722
Nýggjastu sendingar í SV
Hósdag 19. apríl
Gud signi Føroyar 6:6
79994
Mikudag 18. apríl
25 minuttir: Bára Silvansdóttir
79974
Mánadag 16. apríl
3-2
79896
Sunnudag 15. apríl
Møti úr Oasuni í Hoyvík
79843
Sunnudag 15. apríl
Andaktin
79841