VinstraGrøna rørslan hevur størstu undirtøkuna

04.10.2017 - 17:38
AktueltPolitikkur
VinstraGrøna rørslan hevur størstu undirtøkuna
Nýggj veljarakanning í Íslandi vísur, at VinstraGrøna rørslan hevði fingið flestar atkvøður, um val var nú
Mynd: Savnsmynd  
 
 

VinstraGrøna rørslan hevði fingið sløk 29 prosent av atkvøðunum, Sjálvstæðisflokkurin hevði verið næst-størstur við góðum 22 prosentum, Piratflokkurin og Samfylkingini høvdu fingið hvør síni 11 prosent, og nýggi flokkurin hjá Sigmundi Daviði Gunnlaugsson, Miðflokkurin, hevði fingið 9 prosent av atkvøðunum.

Fyrrverandi flokkurin hjá Gunnlaugsson, Framsóknarflokkurin, hevði fingið sløk 6 prosent, og  Flokkur Fólksins hevði eisini fingið sløk 6 prosent.

Viðreisn hevði fingið 3 prosent og Bjørt Framtíð beint undir 3 prosent. Hesi báðir flokkarnir høvdu sostatt ikki fingið umboð í Altingið, um val var í dag.  

Í kanningini varð spurt, hvønn tey valdu seinast. Kanningin vísur, sambært MBL.is, at tey, sum valdu flokkin, Bjørt Framtíð, seinast, fara at velja Samfylkigina nú. 

Fakta um kanningina

Tað eru Fréttablaðið, Støð 2 og Vísir, sum gjørdu kanningina 2. og 3. oktober. Ringt varð til 1.354 fólk, og 800 svaraðu. Svar-lutfallið var sostatt 59,1 prosent, og av teimum svaraðu 62,1 prosent. 

Umleið 9 prosent siga seg ikki fara á val ella fóru at atkvøða blant. 11 prosent hava ikki tikið støðu og sløk 18 prosent svaraðu ikki spurninginu.

Altingsval verður í Íslandi 28. oktober, eftir at val er útskrivað í úrtíð.

Nýggjastu sendingar í ÚV
Sunnudag 22. oktober
Bolero 22 okt 2017
Sunnudag 22. oktober
Chorus
Sunnudag 22. oktober
25 ár eftir kreppuna (3:3)
Nýggjastu sendingar í SV
Sunnudag 22. oktober
Andaktin
Sunnudag 22. oktober
Norðurevropiski meistaraskapurin
Mikudag 18. oktober
Hetjur í hæddunum