Brúkaraumboð:lýsing um vátar buksur er lógarbrot

05.10.2017 - 09:15
AktueltVinna
Brúkaraumboð:lýsing um vátar buksur er lógarbrot
HDYGD er ikki samd. men hevur kortini tikið lýsing um vindeygu aftur, tí Brúkaraumboðið sigur, hon er lógarbrot
Brúk er fyri nógvum vindeygum, tí nógv verður bygt (tilvildarlig mynd),
Mynd: Savnsmynd  
 
 

Tað er lógarbrot at klikkja niðurá kappingarneytar í lýsingum.

Tað hevur HDYGD, sum ger millum annað vindeygu, fingið at vita frá Brúkaraumboðnum.

Klagað er um lýsingina hjá HDYGD, har ein maður sæst við vátum bletti á buksunum, tí hann hevur pissað í buksurnar. 

Í lýsingini verður víst til blettin og sagt, at so nógv spardi persónurin, tí hann keypti bíligastu vindeygu og ikki vindeygu frá HDYGD.

Slík lýsing er brot á lógina um marknaðarføring.

Fór ikki út um mark

Brúkaraumboðið ger ikki meira við málið, tí lýsingin er tikin aftur.  

HDYGD heldur tó ikki, at lýsingin fór út um mark.

Men fyritøkan avgjørdi kortini at taka hana aftur við teirri grundgeving, at onnur eygu kanska kunnu halda lýsingina fara út um mark.

Brúkaraumboðið sigur, at fólk kunnu fáa ta fatan, at bara HDYGD ger vindeygu, sum eru nóg góð til føroyska marknaðin.

Og tað er ósømiligt og niðrandi at vísa ein mann, sum hevur pissað í buks, tí hann keypti vindeygu frá øðrum enn HDYGD.

Nýggjastu sendingar í ÚV
Leygardag 21. apríl
Nú er leygardagur - 210418
80102
Leygardag 21. apríl
- Gagnar sannleikin nøkrum?
80099
Leygardag 21. apríl
Morgunlestur leygardagur 21. apríl 2018
79724
Nýggjastu sendingar í SV
Fríggjadag 20. apríl
Lyst 14
79977
Hósdag 19. apríl
Gud signi Føroyar 6:6
79994
Mikudag 18. apríl
25 minuttir: Bára Silvansdóttir
79974
Mánadag 16. apríl
3-2
79896
Sunnudag 15. apríl
Møti úr Oasuni í Hoyvík
79843