Eingin fólkaatkvøða flaggdagin um stjórnarskipan

bannari
05.10.2017 - 07:03
AktueltPolitikkur
Eingin fólkaatkvøða flaggdagin um stjórnarskipan
Løgtingið verður ikki liðugt við stjórnarskipanina hálvt ár fyri flaggdagin. Fyrsta viðgerð verður dagin fyri, løgtingið skal hava avgreitt málið
Eingin fólkaatkvøða verður flaggdagin. Tíðin er alt ov knøpp.
Mynd: Savnsmynd  
 
 

Fólkaatkvøðan um stjórnarskipan Føroya verður ikki flaggdagin næsta ár. 

Heilt einfalt tí, at stundir eru ikki til at avgreiða málið í løgtinginum fyri 25.oktober, sigur Páll á Reynatúgvu, løgtingsformaður.

Løgmaður legði uppskotið fyri løgtingið 27.september. 

Upprunaliga ætlaði samgongan, at fólkaatkvøða skuldi vera um føroyska stjórnarskipan í ár, men tað varð útsett.

Dagin fyri

Tá varð samstundis boðað frá, at føroyingar skulu á fólkaatkvøðu flaggdagin, 25.apríl næsta ár um føroyska stjórnarskipan.

Uppskotið skal samtykkjast og avgreiðast úr løgtinginum eitt hálvt ár fyri fólkaatkvøðuna. 

Og tí skal uppskotið vera samtykt eftir triðju viðgerð í løgtinginum í seinasta lagi 25.oktober.

Men fyrsta viðgerð verður ikki fyrr enn 24.oktober, sambært dagsskránni hjá løgtinginum.

Eftir fyrstu viðgerð í løgtinginum skal grein-25-nevnd við fólki úr øllum flokkum á tingi viðgera stjórnarskipanaruppskotið, áðrenn tað kemur til atkvøðugreiðslu fyrst eftir aðru viðgerð og seinni eftir triðju viðgerð, um tað altso verður samtykt eftir aðru viðgerð.
 

Nýggjastu sendingar í ÚV
Mánadag 19. februar
Norðurljóð 19.februar 2018
77754
Mánadag 19. februar
Morgunlestur mánadagur 19. februar 2018
77557
Sunnudag 18. februar
Meg minnist: Bárður Jákupsson (3:4)
77458
Sunnudag 18. februar
Bolero
77706
Nýggjastu sendingar í SV
Mánadag 19. februar
3-2
77770
Sunnudag 18. februar
Andakt við Jógvani Højgaard
77724
Sunnudag 18. februar
Møti úr Emmaus í Klaksvík
77710
Leygardag 17. februar
Hondbóltur: Kyndil - H71
77693
Leygardag 17. februar
Hondbóltur: VíF - Kyndil
77691