Forboð móti at fjala andlitið

06.10.2017 - 13:36
AktueltSamfelag
Forboð móti at fjala andlitið
Undirtøka er nú í donsku stjórnini fyri at seta forboð fyri burka í almenna rúminum
Kvinnur í niqab
Mynd: Savnsmynd  
 
 

Tað gjørdist greitt á bólkafundi í morgun, har fólkatingsbólkurin hjá Vinstra kjakaðist um flokkurin skal taka undir við forboðnum at ganga í burka og niqap á almennum støðum.

Eisini stjórnarflokkurin Liberal Alliance hevur broytt hugsan, og tekur nú undir við forboðnum, skrivar dr.dk.

Niqab er turriklæði, sum bara vísir eyguni, meðan burka fjalir alt andlitið og eyguni eru eisini fjald.

Tað er Danski fólkaflokkurin, sum hevur fingið kjak í lag um forboð móti burka. 

Í julimánaði boðaði flokkurin frá, at hann fór at seta fram uppskot um at banna fólki at fjala andlitið í almenna rúminum - t.d. við burka ella niqap.

Í Belgia er hetta bannið sett í verk, og Evropiski mannarættindadómstólurin hevur staðfest, at tað ER lógligt at seta bann móti at vera í niqap og burka á alennum støðum.

Nýggjastu sendingar í ÚV
Nýggjastu sendingar í SV
Mánadag 23. oktober
3-2
Sunnudag 22. oktober
Andaktin
Sunnudag 22. oktober
Norðurevropiski meistaraskapurin