Atlantic Airways triðbesta evropeiska flogfelag

07.10.2017 - 10:44
AktueltVinna
Atlantic Airways triðbesta evropeiska flogfelag
Atlantic Airways varð kosið triðbesta evropeiska flogfelag á Danish Travel Awards fyrr í vikuni.
Mynd: Savnsmynd  
 
 

Atlantic Airways er triðbesta evropeiska flogfelagið, tað heldur danska ferðavinnan.

Fyrr í vikuni skipaði danska ferðavinnan fyri árliga tiltakinum Danish Travel Awards í Sirkusbygninginum í Keypmannahavn, har 17 virðislønir vórðu handaðar.

Og millum nøvnini stendur Atlantic Airways eina ferð - á triðja plássi í bólkinum besta evropeiska flogfelag, sum Sun Air vann.

Millum hinar vinnararnar kunnu nevnast Alsie Express, sum gjørdist ársins innanríkisflogfelag frammanfyri Danish Air Transport og SAS. Og Thomas Cook, sum gjørdist besta leiguferðaflogfelag frammanfyri SAS og Tui Fly Nordic.

Portugal er besta ferðaland

Í mun til undanfarin ár kundu ikki starvsfólk í ferðavinnuni ikki atkvøða.

Hesaferð stóð greinarafyritøkan Epinion fyri atkvøðugreiðsluni við at spyrja 2.000 danir, sum vórðu lutfalsliga javnt býttir yvir aldur, útbúgving, inntøku og bústaði.

Ársins ferðaland varð eisini kosið. Besta ferðalandið í evropa er Portugal. Og besta ferðaland uttanfyri evropa er USA.

Nýggjastu sendingar í SV
Mikudag 18. oktober
Hetjur í hæddunum
Mánadag 16. oktober
3-2
Sunnudag 15. oktober
Andaktin
Sunnudag 15. oktober
Møti úr Frelsunarherinum
Hósdag 12. oktober
Kendir føroyingar: Kjølbro