Hert marknaeftirlit í Kastrup - longri bíðirøðir

07.10.2017 - 15:27
AktueltSamfelag
Hert marknaeftirlit í Kastrup - longri bíðirøðir
Nýggjar ES reglur krevja, at passini hjá øllum, ið ferðast til eitt land uttan fyri Schengen-økið, skulu kannast.
Mynd: Savnsmynd  
 
 

Skalt tú ferðast til Onglands, USA, Turkaland ella Thailand umvegis flogvøllin í Kastrup, so mást tú møguliga brynja teg við tolið. Tí nú verða bíðirøðirnar væntandi eitt sindur longri enn vanligt á flogvøllinum.

Í dag setti danska løgreglan í gildið eitt nýtt og hert marknaeftirlit á flogvøllinum í Kastrup. Eftirlitið er galdandi fyri tey ferðandi, sum skulu flúgva til eitt land, ið ikki er við í Schengen-samstarvinum. Nýggja eftirlitið hevur við sær, at passini hjá øllum, ið skulu til eitt land uttan fyri Schengen, skulu kannast. 

Higartil hevur tað bert verið krav, at nøkur pass skulu kannast. Lógarbroytingin hevur væntandi við sær longri bíðirøðir, sigur Kasper Hyllested, tíðindatalsfólk á flogvøllinum í Kastrup við TV 2. Skalt tú ferðast til eitt land uttan fyri Schengen kann bíðitíðin gerast ein hálvan tíma longri, men bert, tá nógv fólk ferðast. Og kemur tú heim til Danmarkar úr einum landi uttanfyri Schengen, kann bíðitíðin gerast ein heilan tíma longri, sigur Kasper Hyllested við TV 2.

Tað eru nýggjar ES-regglur, sum hava við sær herda eftirlitið. Endamálið er at styrkja uttaru landamørkini hjá ES og tryggleikan í ES. Herda eftirlitið gevur eisini løgregluni enn betri møguleikar at basa skipaðum kriminalitet og kriminaliteti sum ferðast um landamørk, skrivar løgreglan á Twitter, og sigur Kasper Hyllested.

Umleið 30 milliónir ferðafólk ferðast umvegis flogvøllin í Kastrup um árið, og umleið fjórði hvør ferðast út úr Schengen-økinum. Tí skulu umleið 8 milliónir pass nú kannast um árið. 

Nýggjastu sendingar í ÚV
Fríggjadag 20. apríl
Morgunlestur fríggjadagur 20. apríl 2018
79723
Hósdag 19. apríl
Kvørnin ummælir "Lagna"
80050
Hósdag 19. apríl
Nón í Vágum
80033
Hósdag 19. apríl
Óendaliga vera - 9.partur
78584
Nýggjastu sendingar í SV
Fríggjadag 20. apríl
Lyst 14
79977
Hósdag 19. apríl
Gud signi Føroyar 6:6
79994
Mikudag 18. apríl
25 minuttir: Bára Silvansdóttir
79974
Mánadag 16. apríl
3-2
79896
Sunnudag 15. apríl
Møti úr Oasuni í Hoyvík
79843