Uppskot um nýtt barnaheim í Havn til hoyringar

09.10.2017 - 11:21
AktueltSamfelag
Uppskot um nýtt barnaheim í Havn til hoyringar
Landsstýriskvinnan í almannamálum hevur nú sent uppskot um at byggja nýtt barnaheim í Havn fyri 60 milliónir krónur til hoyringar
Fleiri av verandi sambýlum og bústovnum eru ikki í nøktandi standi og eru heldur ikki hóskandi til endamálið.
 
 

Barnaheimið er partur av einari samlaðari íløguætlan, sum eisini fevnir um vardar bústaðir og bústovnar til fólk, ið bera brek.

Í dag eru 22 børn og ung innskrivað á Barnaheiminum umframt tvær familjur, sum eru í familjuviðgerð. Tey húsast í fimm ymiskum bygningum saman við umleið 50 starvsfólkum.

Nýggja barnaheimið fer at hava fýra bú- og viðgerðareindir til fimm børn hvør, og ætlanin er, at hvør bólkur skal húsast í eini eind, sum er meinlík vanligum heimi við kømrum, vesi, køki og alrúmi.

Haraftrat verður ein eftirviðgerðareind á nýggja barnaheiminum til ung í aldrinum 18-23 ár, sum geva samtykki til uppihald á barnaheiminum, og sum spakuliga skulu venja seg við at taka ábyrgd av egnari lívsførslu og búgva í egnum bústaði. 

Nýggja barnaheimið fer eisini at hava fleiri pláss til familjuviðgerð.

Eyðgunn Samuelsen, landsstýriskvinna, hevur gjørt av, at Barnaheimið skal byggjast í Havn, tí har er eisini atgongd til aðrar almennar tænastur, eitt nú Psykiatriska depilin á Landssjúkrahúsinum, sálarfrøðingar, Sernám og aðrar eindir í Almannaverkinum. 

Samskifti hevur verið millum Almannamálaráðið og Tórshavnar kommunu, sum hevur víst á nøkur grundøki. Ætlanin er at byggja miðskeiðis í Havnini.

Bygningurin verður í tveimum hæddum, og samlaða gólvvíddin verður 2.000 fermetrar. Gongst sum ætlað verður nýggja barnaheimið liðugt í 2022. 

Freistin at gera viðmerkingar til uppskotið um nýtt barnaheim er 19. oktober.  

Nýggjastu sendingar í ÚV
Mánadag 24. september
Við Tórði á túri í Skarðsvík í Fugloy
85703
Mánadag 24. september
Norðurljóð 24.september 2018
85700
Mánadag 24. september
Ergidalur, svartfuglabann og laksafiskiskapur
85679
Mánadag 24. september
Morgunlestur mánadagur 24. september 2018
85417
Nýggjastu sendingar í SV
Sunnudag 23. september
Andaktin
85659
Týsdag 18. september
25 minuttir: Todi Jónsson
85504
Mánadag 17. september
3-2
85464
Sunnudag 16. september
Guðstænasta úr Vesturkirkjuni
85398
Leygardag 15. september
Andaktin
85382