USA fíggjar Norðurkoreansku myndugleikunum

12.10.2017 - 10:46
AktueltÚtheimurin
USA fíggjar Norðurkoreansku myndugleikunum
Kanning hjá AP vísir, at vørur sum norðurkoreansk arbeiðsfólk hava framleitt í útlandinum, verða seldar í USA, Kanada og í fleiri londum í ES
Norðurkoreansk arbeiðsfólk á einum fiskavirki í Kina.
Mynd: © AP Photo / Ng Han Guan  
 
 

Í Hunchun í Kina eru nógv fólk til arbeiðis, har tey gera fiskavørur klárar, sum skulu sendast á amerikanska marknaðin.

Fólkini liva í legum, tey arbeiða minst 12 tímar um dagin, og sleppa ikki úr leguni uttan serligt loyvi. 70 prosent av tí tey tjena, verður sent heim til Norðurkorea. Tí eru tað fólk í USA sum fíggja virksemið hjá norðurkoreansku myndugleikunum, vísir ein kanning hjá AP tíðindastovuni.

Mett verður, at arbeiðsfólk úr Norðurkorea tjena millum 1,3 og 3,2 milliardir kr. í útlandinum, sum síðani verða sendar heim til myndugleikarnar.

Kanningin hjá AP vísir, at vørur sum norðurkoreanar hava framleitt, verða seldar í USA, Kanada og í fleiri londum í ES.

Hildið verður, at minst 300 norðurkoreanar arbeiða í Hunchun í Kina. Tey fáa í besta lagi 300 dollarar um mánaðin meðan kinesisk arbeiðsfólk fáa minst 540 dollarar um mánaðin.

Fólk úr Norðurkorea arbeiða eisini í byggivinnuni í fleiri arabiskum londum, á skipasmiðjum í Polandi, í skógum í Ruslandi og í fiskivinnuni í Uruguay, vísir kanningin hjá AP.

Nýggjastu sendingar í ÚV
Leygardag 16. desember
Morgunlestur leygardagur 16.desember 2017
75338
Fríggjadag 15. desember
Jazzofonin 13. desember 2017
75580
Fríggjadag 15. desember
Mjørkadalsbygningurin er ein arkitektonisk perla
75541
Fríggjadag 15. desember
Jazzofonin 6. desember 2017
75559
Nýggjastu sendingar í SV
Hósdag 14. desember
Koba & Vatnhamar II (4:4)
75534
Mikudag 13. desember
25 minuttir: Ronnie Midjord
74873
Sunnudag 10. desember
Andaktin
75323
Sunnudag 10. desember
Møti úr Ebenezer í Havn
75324
Hósdag 7. desember
Millum himmal og helviti
75220