Trump skarvar aftur av Obamacare

13.10.2017 - 10:19
AktueltÚtheimurin
Trump skarvar aftur av Obamacare
Í gjár skrivaði amerikanski forsetin, Donald Trump, undir eina fyriskipan, ið fer at broyta heilsutryggingina, sum fyrrverandi forsetin setti í verk
Trump sigur, at hetta bara er byrjanin
 
 

Donald Trump, forseti, skarvar nú aftur av Obamacare. Í gjár skrivaði hann undir eina fyriskipan, sum hevur við sær broytingar í heilsutryggingunum, ið komu í gildið, tá heilsunýskipanin hjá fyrrverandi forsetanum, Barack Obama, varð sett í verk.

"Útreiðslurnar av Obamacare hava verið so stórar, at tær oyðileggja alt, sum kemur í kjalavørinum av teimum", segði Trump, tá hann skrivaði undir fyriskipanina.

Við Obamacare fingu 20 milliónir amerikanarar, sum ikki frammanundan høvdu eina heilsutrygging, betri møguleika at tryggja seg.

Republikanarnir hava leingi roynt at taka heilsunýskipanina hjá Barack Obama av, men higartil hevur undirtøka ikki verið fyri tí í Kongressini. 

Trump sigur, at fyriskipanin, sum hann nú hevur skrivað undir, ber í sær, at fleiri milliónir amerikanarar nú fáa møguleikan at keypa sær bíligari heilsutryggingar í fleiri statum. 

Men heilsutryggingarnar fevna ikki um eitt nú barsilsfarloyvi, heilivág, ið bert verður útflýggjaður eftir ávísing, ella viðgerð av sálarligum sjúkum.

Demokratiski leiðarin í Senatinum, Chuck Schumer, sigur, at Trump er í holt við at "skræða heilsuverkið sundur". 

"Tá tað ikki eydnaðist honum at taka av Obamacare í Kongressini, roynir hann nú at leggja alla skipanina í oyði" sigur Chuck Schumer. 

Trump sigur hinvegin, at hetta bara er byrjanin. 

Nýggjastu sendingar í ÚV
Mikudag 18. juli
Summartímin mikudagin 18. juli
83468
Mikudag 18. juli
Summartímin týsdagin 17. juli
83453
Mikudag 18. juli
Morgunlestur mikudagin 18. juli 2018
82858
Týsdag 17. juli
Ein dreymaferia í Nashville
82844
Týsdag 17. juli
Morgunlestur týsdagin 17. juli 2018
82857
Nýggjastu sendingar í SV
Leygardag 14. juli
Video: Vestanstevna 2018, 10mf
83337
Leygardag 14. juli
Video: Vestanstevna 2018, 5mf kvinnur
83336
Leygardag 14. juli
Video: Vestanstevna 2018, 8mf
83335
Leygardag 14. juli
Video: Vestanstevna 2018, 6mf menn
83334
Leygardag 14. juli
Video: Vestanstevna 2018, 5mf dreingir
83333