Stephen Paddock skeyt eftir brennievnistangum

14.10.2017 - 11:06
AktueltÚtheimurin
Stephen Paddock skeyt eftir brennievnistangum
Maðurin, sum drap 58 fólk í Las Vegas, royndi, sambært løgregluni, eisini at fáa tangar við brennievni at spreingjast á flogvøllinum í býnum.
Stephen Paddock royndi at sreingja brennievnistangar við at skjóta eftir teimum
Mynd: © Daily Express  
 
 


Maðurin, sum hildið verður skeyt og drap 58 fólk í Las Vegas 1. oktober, royndi, sambært løgregluni, eisini at fáa tangar við brennievni til at spreingjast á flogvøllinum í býnum.

Stephen Paddock skeyt fleiri ferðir eftir oljutangunum, upplýsti Joe Lombardo, sheriffur í Clark County á tíðindafundi í gjár.

Flogvøllurin, McCarran International Airport, er skamt frá gistingarhúsinum, har Stephen Paddock úr einum kamari á 32.hædd skeyt meiri enn 1.000 skot móti áhoyrarum á eini uttandurða konsert.

64 ára gamli Paddock tók síðan sítt egna lív, áðrenn løgreglufólk komu inn í kamarið.

Á tíðindafundinum greiddi Lombardo frá, at løgreglan og amerikanska fregnartænastan, FBI, ikki hava fingið greiðu á, hví hann framdi hópdráp.

Ongar upplýsingar eru funnar um Paddock, sum kunnu geva greiðu á, hví.

Heldur ikki vinir og kenningar, húsarannsóknir heima hjá Paddock ella tøkniliga kanningar hava givið svarið, hvør politiska, átrúnaðarliga ella persónliga orsøkin var til álopið.

Joe Lombardo upplýsti á tíðindafundinum, at álopið vardi í 10 minuttir, 546 fólk fingu løstir av skotum, - 45 eru framvegis í lívsvanda, skrivar Ritzau.

Nýggjastu sendingar í ÚV
Mánadag 24. september
Við Tórði á túri í Skarðsvík í Fugloy
85703
Mánadag 24. september
Norðurljóð 24.september 2018
85700
Mánadag 24. september
Ergidalur, svartfuglabann og laksafiskiskapur
85679
Mánadag 24. september
Morgunlestur mánadagur 24. september 2018
85417
Nýggjastu sendingar í SV
Sunnudag 23. september
Andaktin
85659
Týsdag 18. september
25 minuttir: Todi Jónsson
85504
Mánadag 17. september
3-2
85464
Sunnudag 16. september
Guðstænasta úr Vesturkirkjuni
85398
Leygardag 15. september
Andaktin
85382