Mæla til at burturvísa stjórnarskipanina

bannari
19.10.2017 - 10:50
AktueltPolitikkur
Mæla til at burturvísa stjórnarskipanina
Løgtingsumsitingin mælir til, at uppskotið um stjórnarskipanina verður víst burtur
 

Ikki gjøgnumarbeitt og tí heldur ikki búgvið hjá løgtinginum at taka støðu til. Tað er harði dómurin, sum løgfrøðingarnir hjá løgtinginum fella um stjórnarskipanina hjá løgmanni.      

Løgfrøðingarnir hjá løgtinginum mæla tí til at senda løgmanni uppskot hansara um stjórnarskipan aftur.

Uppskotið er ikki í samsvari við tingskipanina, sigur umsitingin hjá løgtingimum.

Umsitingin mælir tí til, at formansskapurin gevur løgtingsformanninum loyvi til at mæla tinginum til at vísa málinum burtur. 

Tað er, at tingið ikki viðger málið í tí líki, tað er nú. 

Samsvarar ikki við verandi tingskipan

Løgfrøðin hjá løgtinginum heldur, at viðmerkingarnar í uppskotinum eru ikki í samsvari við tingskipanina.

Viðmerkingarnar er alt ov fáar, og tær, sum eru, eru ófullfíggjaðar. 

Uppskotið ber brá av ikki at vera gjøgnumarbeitt. Tað er tí ikki búgvið hjá tinginum at taka støðu til.   

Tað er ikki í lagi, at ein stjórnarskipan, sum skal verða grundarlagið undir einum rættarsamfelagi og eitt amboð hjá løgtinginum, ikki hevur grundgevingar, sum nágreina ella í minsta lagi hugleiða um ymsu greinarnar í uppskotinum. 

Uppskotið um stjórnarskipan er sett á skrá til fyrstu viðgerð í løgtinginum 24.oktober.

Tað er týsdagin í næstu viku.

Les uppritið her

 
Nýggjastu sendingar í ÚV
Mikudag 8. apríl
Stór óvissa eftir tíðindafundirnar
107530
Mikudag 8. apríl
Áðrenn Elvis 080420
107528
Mikudag 8. apríl
Góðan morgun Føroyar, 6. apríl 2020
107525
Mikudag 8. apríl
Góðan morgun Føroyar, 7. apríl 2020
107522
Mikudag 8. apríl
Góðan morgun Føroyar, 8. apríl 2020
107523
Nýggjastu sendingar í SV
Týsdag 7. apríl
Úr savninum: Kanska um hundrað ár 3:4
107487
Týsdag 7. apríl
Úr savninum: Slóðarar 1:7
107421
Týsdag 7. apríl
Drúgt sjónvarp
107332
Mánadag 6. apríl
Úr savninum: Kennir tú land títt? (2:3)
107297