Magn: Avsláttur á streymi útihýsir allari kapping

21.10.2017 - 10:08
AktueltPolitikkur
Magn: Avsláttur á streymi útihýsir allari kapping
Uppskotið hevur sosiala slagsíðu, tí lág- og miðalinntøkur hava ikki ráð at raðfesta hitapumpur og el-bilar, sigur oljufelagið
Finn Jakobsen er tekniskur stjóri í Magn
 
 

Verður uppskotið um at lata avsláttur á streymi til hitapumpur og el-bilar samtykt, verður øll kapping á el-marknaðinum útihýst, og uppskotið er ein beinleiðis forðing fyri, at samgongan kann røkka gylta málinum um, at helvtin av húsarhaldunum skal hava lagt um til grøna upphiting í 2025 og øll í 2030.

Tað sigur oljufelagið Magn í hoyringarsvari til uppskotið hjá Sirið Stenberg, landsstýriskvinnu í heilsu- og innlendismálum.

Felagið sigur, at einasta gongda leið til grøna orkuveiting er frí kapping um bæði el-framleiðsluna og søluna til brúkararnar.

Lógarboytingin fer at gera beint tað øvuta, tí avslátturin hjá SEV til hitapumpur fer at stavnsbinda brúkaran til SEV, og útlokar allari kapping.

Sosial slagsíða

Magn sigur eisini, at uppskotið hevur sosiala slagsíðu, tí tað gevur avsláttur til dýrar orkuloysnir, hitapumur og el-bilar, sum húsarhald við miðal- og láginntøkum ikki hava ráð at raðfesta fremst. 

Magn mælir í staðin landsstýriskvinnuni í heilsu- og innlendismálum til at fara undir at skilja netvirksemið og el-framleiðsluna hjá SEV sundur í sjálvstøðug feløg, 

- at gera tað møguligt hjá øllum el-framleiðarum at selja streymin beinleiðis til kundan gjøgnum el-netið hjá SEV aftur fyri netgjald, 

- at loyva góðkendum feløgum at keypa streym í heilsølu frá SEV at selja víðari, 

- og at gera tað møguligt at leiga hitapumpur til hús. 

Nýggjastu sendingar í ÚV
Týsdag 11. desember
Fótbóltsprát: Liverpool er á odda
88793
Týsdag 11. desember
Norðurljóð 10.desember 2018
88774
Týsdag 11. desember
Góðan morgun Føroyar - 101218
88773
Týsdag 11. desember
Morgunlestur týsdagur 11. desember 2018
88451
Mánadag 10. desember
Við Tórði á túri á Kuba (1:2)
64849
Nýggjastu sendingar í SV
Sunnudag 9. desember
Andaktin
88722
Sunnudag 9. desember
Møti úr Betesda í Klaksvík
88713
Leygardag 8. desember
Hvat bagir? (6:8)
87235
Fríggjadag 7. desember
Lyst 24
88747
Fríggjadag 7. desember
Úr savninum: Flak til tann kræsna 4:5
88668