Undantakið í pensjónslógini er ongantíð brúkt

bannari
31.10.2017 - 08:51
AktueltPengar
Undantakið í pensjónslógini er ongantíð brúkt
Fólk, sum ikki hava búð í danska ríkinum í 40 ár, kunnu biðja um at fáa fulla fólkapensjón, men eingin hevur gjørt tað
Tað er hendan greinin í pensjónslógini, sum er um 40 ár í ríkinum.
Mynd: Savnsmynd  
 
 

Eingin hevur søkt um undantaksloyvi frá løgtingslógini um at fáa fulla fólkapensjón í Føroyum, hóast fólk ikki hava búð í danska ríkinum í 40 ár.

Tað sigur Eyðgunn Samuelsen, landsstýriskvinna, í svari til Sonja J. Jógvansdóttur, løgtingskvinnu.

Hesin møguleikin er tí ongantíð viðgjørdur í Almannamálaráðnum.

Tí er heldur ikki greitt, hvørjar treytirnar eru fyri at geva undantak, tí tær standa ikki í lógini frá 1999.

Lógin sigur einki

Har stendur bara, at serligar umstøður skulu vera fyri at fáa fulla fólkapensjón, hóast bústaðurin ikki hevur verið í danska ríkinum í 40 ár. 

Fólk, sum hava búð minni enn tey 40 árini, fáa part av fullari pensjón, tey fáa brotpensjón eftir, hvussu nógv árini eru í danska ríkinum.

Eyðgunn Samuelsen sigur í svarinum, at 31.desember 2016 fingu 290 fólkapensjónistar føroyska brotpensjón, 216 teirra búðu uttan fyri danska ríkið.

Og 71 fyritíðarpensjónistar fingu brotpensjón, helvtin, 35 fólk, búgva uttan fyri danska ríkið. 


 

Nýggjastu sendingar í ÚV
Mikudag 21. februar
Morgunlestur mikudagur 21. februar 2018
77560
Týsdag 20. februar
Hjálpirøturnar í bláa húsinum
77797
Týsdag 20. februar
Á Quiztinum, 5. innleiðandi umfar
77694
Týsdag 20. februar
Morgunlestur týsdagur 20. februar 2018
77559
Nýggjastu sendingar í SV
Mánadag 19. februar
3-2
77770
Sunnudag 18. februar
Andakt við Jógvani Højgaard
77724
Sunnudag 18. februar
Møti úr Emmaus í Klaksvík
77710
Leygardag 17. februar
Hondbóltur: Kyndil - H71
77693
Leygardag 17. februar
Hondbóltur: VíF - Kyndil
77691