Gjalda fyri pláss á bíðilista til grundstykki

01.11.2017 - 09:00
AktueltSamfelag
Gjalda fyri pláss á bíðilista til grundstykki
Á býráðsfundi í gjár var samtykt, at fólka skulu í framtíðini rinda fyri at standa á bíðilista til grundstykki í Eysturkommunu
 
 

Kommunan vil bøta um avgreiðslutíðina - serliga hjá teimum, sum vilja byggja beinanvegin, men sum verða forðað, tí bíðilistin er langur, og tí at mannagongdir at viðgerða, senda út, fáa svar og tíðarfreistir eru forðing fyri skjótari avgreiðslu, stendur í gerðarbókini fyri býráðsfundin í gjárkvøldið.

Ein loysn kann verða at áseta depositum til bíðilistan til grundstykki, heldur býráðið.

20.000 krónur fyri pláss á bíðilista

Tær stóru kommunurnar taka depositum úr 5.000,00 kr. - 25.000,00 kr. Tekniska nevndin og fíggjarnevndin í býráðnum mæla til at kommunan fer at krevja 20.000 krónur frá teimum, sum eru á bíðilista og sum frameftir koma á biðilista.

Býráðið samtykti einmælt at taka undir við tilmælinum hjá byggi- og býarskipanarnevndini og fíggjarnevndini

Áhugin at byggja í Leirvík er stórur. 53 fólk standa á bíðilista eftir at fáa grundstykki í Leirvík.

Arbeiðið at stykkja út 18 nýggj grundstykkir á Fløtugerði í Leirvík er nú boðið út. Tilboð skulu verða innkomin í seinasta lagi 16. november, sæst á heimasíðuni hjá Eysturkommunu.

Tá tilboðini eru innkomin verður veitari valdur, og eftir ætlan verður spakin settur í áðrenn árslok.

Komandi ár verður farið undir at stykkja út í Norðragøtu. 

Nýggjastu sendingar í ÚV
Mánadag 24. september
Við Tórði á túri í Skarðsvík í Fugloy
85703
Mánadag 24. september
Norðurljóð 24.september 2018
85700
Mánadag 24. september
Ergidalur, svartfuglabann og laksafiskiskapur
85679
Mánadag 24. september
Morgunlestur mánadagur 24. september 2018
85417
Nýggjastu sendingar í SV
Sunnudag 23. september
Andaktin
85659
Týsdag 18. september
25 minuttir: Todi Jónsson
85504
Mánadag 17. september
3-2
85464
Sunnudag 16. september
Guðstænasta úr Vesturkirkjuni
85398
Leygardag 15. september
Andaktin
85382