Svimja fyri altjóða luttøku

02.11.2017 - 11:25
ÍtrótturFótbóltur
Svimja fyri altjóða luttøku
Nógv stendur upp á spæl, tá FM í svimjing byrjar fríggjadagin.
Mynd: Savnsmynd  
 
 

Í morgin byrjar FM í svimjing á stuttgeil, sum verður hildin í svimjihøllini í Gundadali í Havn.

Nógv stendur upp á spæl, tí umframt at kappast um at blíva føroyameistari, er kappingin eisini úttøkukapping til norðurlandameistarakapping og evropameistarakapping, sum eru í desember.

Kringvarpið fer at senda allar finalurnar beinleiðis

Fríggjadagin 17.00-19.00 Finalur beinleiðis
Leygardagin 17.00-19.00 Finalur beinleiðis
Sunnudagin 17.00-19.00 Finalur beinleiðis

Fyrsta vetrar-FM

FM í svimjing plagar vanliga at liggja í mai mánaði, men er nú flutt til november. Hetta er fyrstu ferð, at hetta verður roynt.

Orsøkin er, at Svimjisambandið og feløgini vilja royna eitt svimjiár, sum líkist teimum hjá grannalondunum, har meistarastevnan á stuttgeil er í november, og tann á langgeil er við endan av skúlaárinum.

Kravtíðarstevna

Ein fyrimunur við at hava FM á stuttgeil í november er, at hendan stevna tá samstundis er náttúrligur endi á kravtíðarskeiðnum til altjóða meistarastevnurnar á stuttgeil. 

stevnurnar eru hvørt ár Norðurlendska meistarastevnan og Junior meistarstevnan, umframt skiftivís Evropameistarastevna ella Heimsmeistarastevnan á stuttgeil.

Í ár eru altjóða meistarastevnurnar NM/NJM í Reykjavík 1. til 3. desember og EM á stuttgeil í Keypmannahavn 13. til 17. desember 2017. Kravtíðirnar síggjast her.

 

Nýggjastu sendingar í ÚV
Nýggjastu sendingar í SV
Mikudag 22. november
Ámæli
74637
Týsdag 21. november
Savnsgull: Ungar hendur 3
74606
Týsdag 21. november
3-2
74577
Sunnudag 19. november
Guðstænasta úr Havnar kirkju
74474
Sunnudag 19. november
Andaktin
74473