- Tíðindi, mentan og ítróttur
Netflix steðgar samstarvið við Kevin Spacey
Kevin Spacey er millum annað ákærdur fyri at hava gjørt seg inn á sjónleikaran Anthony Rapp, tá Rapp var bert 14 ár. Tað skrivar BBC.
Bretska løgreglan er farin undir at kanna ákærur móti Kevin Spacey. Hann hevur eftir øllum at døma gjørt seg inn á fleiri menn, men Kevin Spacey sigur seg einki av hesum minnast.
Netflix vil tískil ikki halda fram at samstarva við Kevin Spacey - hvørki í væl umtóktu røðini House of Cards, har hann hevur høvuðsleiklutin sum Frank Underwood, ella í filminum Gore, sum átti at komið út í næstum, har Spacey eisini hevur høvuðsleiklutin.
Netflix arbeiðir í løtuni við at finna útav, um framleiðslan av House of Cards kann halda fram uttan Spacey. Framleiðslan av røðini er fyribils steðgað.