Trump: Norðurkorea er ein hóttan móti heiminum

Trump: Norðurkorea er ein hóttan móti heiminum
Í hesum døgum vitjar Donald Trump í Suðurkorea. Trump og suðurkoreanski forsetin eru á einum máli um fáa í lag tættari hernaðarligt samstarv
 
08.11.2017 - 08:45

Norðurkorea er ein hóttan móti øllum heiminum, og tí noyðist heimurin at virka.

Tað sigur amerikanski forsetin, Donald Trump, sum er komin á vitjan í Suðurkorea í tveir dagar,

- Vit heita á øllum lond, eisini Kina og Russland, um at krevja av myndugleikunum í Norðurkorea um at gevast við sínum kjarnorku-og rakett-ætlanum, segði amerikanski forsetin, tá hann helt tíðindafund saman við suðurkoreanska starvsbróðrinum, Moon Jae-in.

Samstundis gjørdi Trump greitt, at USA er til reiðar at brúka alla sína hermegi at leggja Norðurkorea í oyði.

Donald Trump er á rundferð í Asia í hesum døgum. Hann kom til Suðurkorea úr Japan, og úrslitið av vitjanini har var, at Japan fer at herða tiltøkini móti Norðurkorea.

Amerikanski og suðurkoreanski forsetin eru á einum máli um fáa í lag tættari hernaðarligt samstarv, sum m.a. ber í sær, at fleiri amerikanskir hermenn sleppa at verða í landinum.

Suðurkoreanski forsetin, Moon Jae-in, sigur, at bæði londini eru eisini samd um at leggja mest møguligt trýst á Norðurkorea og at herða tiltøkini, til landið gevst at menna síni kjarnorkuvápn.

Bæði Trump og suðurkoreanski forsetin heittu samstundis á norðurkoreansku leiðararnar um at koma til samráðingarborðið.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Fríggjadag 29. mars
Guðstænasta úr Hvannasunds kirkju
172949
Hósdag 28. mars
Skírhósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584