Hevur ikki undirtøku fyri fiskivinnunýskipanini

bannari
10.11.2017 - 18:10
AktueltPolitikkur
Hevur ikki undirtøku fyri fiskivinnunýskipanini
Sum skilst er ikki full semja um fiskivinnunýskipanina. Sambært keldum, sum útvarpið hevur tosað við, eru tingfólk í Javnaðarflokkinum ivingarsom
 
 


Tað gongst striltið hjá Vinnunevndini at skriva álit um fiskivinnunýskipanina.

Sum skilst er ikki full semja um fiskivinnunýskipanina. Sambært keldum, sum útvarpið hevur tosað við eru tingfólk í Javnaðarflokkinum ivingarsom um partar av uppskotinum.

Verðandi fiskivinnulóggáva fer úr gildi um sjey vikur, tað er á nýggjárinum, og tá ætlar samgongan at nýskipanin skal koma í gild.

Uppskotið um fiskivinnunýskipan hevur ligið í Vinnunevndini í nærum tveir mánaðir, og nógv hava verið inni til hoyringar, men nevndin hevur framvegis onki álit skrivað.

Bjørt Samuelsen, forkvinna í Vinnunevndini, vil ikki siga, nær nevndin kemur við einum áliti.

"Tíverri ber framvegis ikki til at siga, nær álitið kemur," sigur Bjørt Samuelsen í dag. 

Onki bendir á, at álitið kemur í bræði, tí ongin nýggjur fundur er ásettur í Vinnunevndini, og tí kemur uppskotið væntandi heldur ikki í komandi viku.

Løgtingið kann atkvøða um at fáa eitt mál úr nevnd, tá málið hevur ligið ein mánaða í nevnd.

Aksel V Johannesen, løgmaður vil ikki viðmerkja áhaldandi søgurnar um, at hann ikki hevur meiriluta fyri fiskivinnunýskipanaruppskotinum longur, og tað er ikki eydnast okkum at fáa samband við hinar báðar flokksformennirnar í samgonuni, Høgna Hoydal og Poul Michelsen.
 

Nýggjastu sendingar í ÚV
Mánadag 24. september
Morgunlestur mánadagur 24. september 2018
85417
Sunnudag 23. september
Meg minnist: Jákup Mikal Mikkelsen (2:2)
85431
Sunnudag 23. september
Guðstænasta í Haldórsvíkar kirkju
85660
Sunnudag 23. september
Einsamallur úti á opnum havi
85609
Nýggjastu sendingar í SV
Sunnudag 23. september
Andaktin
85659
Týsdag 18. september
25 minuttir: Todi Jónsson
85504
Mánadag 17. september
3-2
85464
Sunnudag 16. september
Guðstænasta úr Vesturkirkjuni
85398
Leygardag 15. september
Andaktin
85382