- Tíðindi, mentan og ítróttur
Bannað at sigla skjótt um Ramsar oyggjar
Bannað at sigla skjótt um Ramsar oyggjar
Tað verður nú bannað at sigla skjótt og halda nógvan gang rundan um oyggjarnar, ið eru Ramsar oyggjar.
11.11.2017 - 10:06
Kunngerðin hjá Heilsumálaráðnum, sum ásetur hetta, varð lýst í gjár, og kom í gildi í dag.
Sambært kunngerðini, so verður í tíðarskeiðinum 15. apríl til og við 31. august bannað at sigla skjótari enn 8 fjórðingar um tíman nærri enn 500 metrar úr landi við tey øki við Nólsoynna, Skúvoynna, Mykines og Mykineshólm, sum eru Ramsarøkir.
Í sama tíðarskeiði er bannað at sigla við vatnskutarum nærri enn 500 metrar úr landi kring hesar oyggjar.
Eisini er bannað at halda óneyðugan gang, eitt nú við hørðum tónleiki, nærri enn 500 metrar úr landi.
Nýggjastu sendingar í ÚV
Nýggjastu sendingar í SV