Laksamarknaðurin: Útboðið veksur, prísurin minkar

14.11.2017 - 07:49
AktueltVinna
Laksamarknaðurin: Útboðið veksur, prísurin minkar
Bakkafrost hevur kunngjørt úrslitið í triðja ársfjórðingi
Bakkafrost hevur gjørt avtalu um at selja lidnar vørur fyri góð 50 av væntaðu tøkuni tað, sum eftir er av 2017.
 
 

Bakkafrost hevði 252 mió, kr. í rakstrarúrsliti í triðja ársfjórðingi.

Tað eru nakrar fáar milliónir minni enn í fjør.

Nettoskuldin hjá Bakkafrosti var 356 mió. kr. tann 31.oktober, og tá hevði felagið 933 mió. kr. í ótroyttum kredittum. 

Laksaprísurin hevur verið methøgur síðani 2016.

Men, sum væntað, lækkaði laksaprísurin í triðja ársfjórðingi, tí útboðið av laksi vaks. 

Seinastu greiningarnar hjá Kontali Analyse meta, at útboðið av laksi veksur tvey prosent í 2017 og sjey-átta prosent í 2018.

Tað minkaði seks prosent í fjør, sigur Bakkafrost í morgun.

Laksalúsin argar

Havsbrún fer at selja 80.000 tons av laksafóðri í ár, sum eru 5.000 tons minni enn mett. 

Metingin um næsta ár er 85.000 tons. 

Deildin, sum ger lidnar vørur, hevði bara fýra milliónir krónur í halli í triðja ársfjórðingi. Hallið var 47 mió. kr. í triðja ársfjórðingi í fjør.

Laksalúsin gav Bakkafrosti størri trupulleikar í ár enn í fjør, tí tær vóru fleiri í ár.

Hetta ger helst, at nakað av laksi, sum skuldi takast í verandi ársfjórðingi, verður ikki tikin fyrr enn eftir nýggjár.      

Bakkafrost ger nógvar íløgur, millum annað verða 40 mió. kr. brúktar í Vági til at dagføra kryvjingina har.


 

Nýggjastu sendingar í ÚV
Mikudag 18. juli
Summartímin týsdagin 17. juli
83453
Mikudag 18. juli
Morgunlestur mikudagin 18. juli 2018
82858
Týsdag 17. juli
Ein dreymaferia í Nashville
82844
Týsdag 17. juli
Morgunlestur týsdagin 17. juli 2018
82857
Mánadag 16. juli
Summartímin mánadagin 16. juli
83383
Nýggjastu sendingar í SV
Leygardag 14. juli
Video: Vestanstevna 2018, 10mf
83337
Leygardag 14. juli
Video: Vestanstevna 2018, 5mf kvinnur
83336
Leygardag 14. juli
Video: Vestanstevna 2018, 8mf
83335
Leygardag 14. juli
Video: Vestanstevna 2018, 6mf menn
83334
Leygardag 14. juli
Video: Vestanstevna 2018, 5mf dreingir
83333