Almannaverkið skal gjalda alt gjaldið fyri ríðing

14.11.2017 - 13:51
AktueltSamfelag
Almannaverkið skal gjalda alt gjaldið fyri ríðing
Kærunevndin í almanna- og heilsumálum hevur broytt mannagongd hjá Almannaverkinum viðvíkjandi endurgjaldi fyri ríðing
Mynd: Savnsmynd  
 
 

Kærunevndin í almanna- og heilsumálum hevur broytt mannagongd hjá Almannaverkinum viðvíkjandi endurgjaldi fyri ríðing sum viðgerð hjá børnum, sum bera brek ella hava varandi sjúku.

Almannaverkið vildi bara lata endurgjald fyri meirkostnaðin, ikki fyri grundgjaldið. 

Almannaverkið vísti til forsorgarlógina og innanhýsis leiðbeining um meirkostnað fyri ríðing sum frítíðarítriv. 

Kærunevndin hevur síðst í september viðgjørt tvær kærur um hetta. Og Kærunevndin broytti í báðum avgerðina hjá Almannaverkinum.

Niðurstøðan er tann sama í báðum førum. 

Heildarmetingin er, sigur Kærunevndin, at meirútreiðslan til ríðing, er allur kostnaðurin, tí talan er um ein tørv av viðgerðarkendum slagi, og er tá allur tørvurin ein meirútreiðsla.

Tey, sum kærdu, fáa tí 175 kr., sum er grundgjaldið, afturat fyri hvørja ferð, barnið ríður. 
 

Nýggjastu sendingar í ÚV
Nýggjastu sendingar í SV
Fríggjadag 19. januar
Lyst 2
76671
Hósdag 18. januar
Archibald Black, við føroyskum teksti
76646
Hósdag 18. januar
Archibald Black
76635
Mikudag 17. januar
25 minuttir: Vigdis Hjort
74880
Mánadag 15. januar
3-2
76515