- Tíðindi, mentan og ítróttur
Trý ára vøkstur í fólkatalinum hæsar ikki av
Trý ára vøkstur í fólkatalinum hæsar ikki av
Frá 1.oktober í fjør til 1.oktober í ár løgdust 707 fólk afturat fólkatalinum í Føroyum
Mynd: Hagstovan
14.11.2017 - 12:57
Fólkatalið í Føroyum vaks í oktober, men ikki nógv, bara fýra fólk komu afturat.
Fólkatalið var 50.322 tann 1.oktober. Tað eru 707 fleiri enn 1.oktober í fjør. Vøksturin er 1,4 prosent.
Burðaravlopið, munurin millum fødd og deyð, er 265.
Heldur fram at vaksa
Orsøkin er fyrst og fremst, at nógv fleiri fólk fluttu til Føroya enn úr Føroyum, nettotilflytingin er 442.
Fólkatalið veksur mest í Tórshavnar kommunu, men luftfalsliga skjótari í Streymoynni annars, Vágum og í Eysturoynni, upplýsir Hagstovan á heimasíðu síni.
Hagstovan sigur, at seinastu trý árini hevur verið óvanliga stórur fólkavøkstur.
Og enn er einki, sum bendir á, at ferðin í fólkavøkstrinum er við at hæsa av.
Nýggjastu sendingar í ÚV
Nýggjastu sendingar í SV