Gigni skal nú hava stjóra

15.11.2017 - 13:07
AktueltHeilsa
Gigni skal nú hava stjóra
Heilsutrygd, sum nú hevur Gigni, skal hava fakligan stjóra
Gigni skal hava stjóra. Fyribilsstjóri síðani í summar hevur verið Egil á Bø, stjóri í Heilsutrygdina.
 

Heilsutrygd søkir nú eftir fakligum stjóra til Gigni.

Fakligi stjórin í Gigni hevur fakligu ábyrgdina av heilsufrøðiligu tænastuni og skal í tøttum samstarvi við stjóran á Heilsutrygd raðfesta fakliga arbeiðið.

Fakligi stjórin í Gigni fær eisini ábyrgdina av fakligu leiðsluni og menningini av Gigni.

Stjórin skal hava prógv sum heilsufrøðingur.

Starvið verður sett 1.januar næsta ár, ella eftir nærri avtalu við tann, sum fær starvið.

Rumbul

Starvið verður sett eftir sáttmálanum hjá Felagnum føroyskir sjúkrarøktarfrøðingar. 

Lønin er í løtuni 33.747 kr. umframt 15 prosent í eftirløn og løn fyri at hava ábyrgd, sum er 3.800 kr. um mánaðin.

Nógv rumbul var um Gigni fyrr í ár, tí Landsgrannskoðanin fanst at peninganýtsluni og roknskapinum hjá stovninum. Og stjórin í Gigni fór frá 1.juli.  

Endin bleiv, at Gigni varð lagt undir Heilustrygd, og stjórin har, Egil á Bø, bleiv fyribilsstjóri í Gigni.

Gigni veitir heilsufrøðiliga tænastur til børn og ung. Har eru 32 fólk í starvi.

 
Nýggjastu sendingar í ÚV
Sunnudag 17. november
Meg minnist: Bjarki Skúvadal (3:3)
100999
Sunnudag 17. november
Credo: Exoplanetur
100894
Sunnudag 17. november
Upp á tá 151119
101159
Sunnudag 17. november
Jambalaja - Luke Combs og Erin Enderlin
101158
Sunnudag 17. november
Millum gráar skuggar (20:21)
98200
Nýggjastu sendingar í SV
Sunnudag 17. november
Møti úr Vón í Skopun
101160
Leygardag 16. november
Andaktin
101148
Mánadag 11. november
3-2
100936
Sunnudag 10. november
Andakt við Jákup Eli Østerø
100878