Heilivágurin hjá eldri fólki kannaður hvørt ár

15.11.2017 - 07:19
AktueltHeilsa
Heilivágurin hjá eldri fólki kannaður hvørt ár
Ein roynd er á veg, sum skal forða fyri, at fólk fáa skeivan heilivág
Ikki altíð var heilivágurin, fólk fingu, tann sami, sum læknin segði, tey skuldu fáa.
 
 

Nú eru stig tikin til, at fólk, 65 ár ella eldri, altíð fáa tann rætta heilivágin. 

Kanning er gjørd í Boðanesheiminum og Eysturoyar røktar- og ellisheimi.

Heilivágurin hjá 54 fólkum varð kannaður. 

Kanningin vísir, at ikki altíð er samsvar millum heilivágslistan hjá læknum og tann heilivág, sum fólk fáa, upplýsir Heilsumálaráðið, sum gjørdi kanningina saman við Apoteksverkinum. 

Við slíkari heilivágsgjøgnumgongd, sum Heilsumálaráðið kallar hana, er møguleiki at fáa hetta rættað og samstundis minka  heilivágsnýtsluna. 

Minni heilivágur

Higartil vísir verkætlanin, at fólk í røktarheimum fáa fimm prosent færri sløg av heilivági eftir gjøgnumgongdina, og at tíðin, sum starvsfólkini brúka at geva heilivág, styttist átta prosent.  

Endamálið er at betra um viðgerðartrygdina hjá fólki, og harumframt verður herðsla løgd á, at fólk ikki fáa óneyðugan heilivág.

Samstundis verður kostnaðurin fyri heilivág avmarkaður so nógv sum gjørligt.

Í fyrsta umfari er talan um royndarverkætlan.

Sjey tilmæli

Arbeiðsbólkurin, sum gjørdi kanningina, gjørdi sjey tilmæli.

Hann mælir millum annað til, at í fyrsta lagi fáa fólk í røktar- og ellisheimum tilboð um heilivágsgjøgnumgongd eina ferð um árið. 
Í øðrum lagi verður mælt til, at øll, sum eru 65 ár og eldri, fáa heilivágsgjøgnumgongd eina ferð um árið.

Tað fer at kosta okkurt um 4,6 mió. kr. um árið at ganga gjøgnum heilivágin hjá fólki, 65 ár og eldri, sum fáa meira enn fýra sløg av heilivági frá lækna.


 

Nýggjastu sendingar í ÚV
Mánadag 24. september
Við Tórði á túri í Skarðsvík í Fugloy
85703
Mánadag 24. september
Norðurljóð 24.september 2018
85700
Mánadag 24. september
Ergidalur, svartfuglabann og laksafiskiskapur
85679
Mánadag 24. september
Morgunlestur mánadagur 24. september 2018
85417
Nýggjastu sendingar í SV
Sunnudag 23. september
Andaktin
85659
Týsdag 18. september
25 minuttir: Todi Jónsson
85504
Mánadag 17. september
3-2
85464
Sunnudag 16. september
Guðstænasta úr Vesturkirkjuni
85398
Leygardag 15. september
Andaktin
85382