Fíggjarlógin bíðar eftir fiskivinnunýskipanini

Fíggjarlógin bíðar eftir fiskivinnunýskipanini
Fíggjarnevndin hevur fund í Vestmanna í dag. Fíggjarlógin 2018 er til viðgerðar
Ruth Vang í Framsókn er forkvinna í Fíggjarnevndina.
 
24.11.2017 - 12:56

Fíggjarlógin fyri 2018 noyðist at bíða eftir fiskivinnulógunum, tí tøl haðani skulu við í fíggjarlógina.

Fíggjarnevndin hjá løgtinginum fer í dag at viðgera uppskotið um fíggjarlóg fyri 2018.

Fundurin er í kommunuskrivstovuni í Vestmanna. 

Tveir limir í nevndini búgva í Vestmanna, Bárður á Steig Nielsen og Pauli Trond Petersen.

Ruth Vang, forkvinna í nevndini, veit ikki, nær nevndin skrivar álit. 

Men nevndin noyðist at bíða eftir fiskivinnunýskipanini og øðrum fiskivinnulógum, tí tøl haðani skulu við í fíggjarlógina.

Tveir avlýstir 

Tveir fundir hjá Fíggjarnevndini eru avlýstir í hesari vikuni, tí politiska støðan var so óstøðug.

Nevndin hevur nógv mál at viðgera, 17 mál eru á skránni hjá nevndini í dag.

Men Ruth Vang sigur, at nevndin fer fyrst og fremst at viðgera fíggjarlógina í dag, ganga gjøgnum alt tilfarið, sum nevndin hevur fingið.

Nøkur mál eru liðugt viðgjørd og klárt er at skriva álit um tey.

Fíggjarnevndin hevur fund aftur mánadagin. Tá fer nevndin at hoyra landsstýrisfólkini. 

   
 

Er kopiera
Nýggjastu sendingar í ÚV
Nýggjastu sendingar í SV
Hósdag 28. mars
Guðstænasta úr Kollafjarðar kirkju
172938
Týsdag 26. mars
Veðrið
172832
Mánadag 25. mars
Beautyvarpið við Tanju
172718
Sunnudag 24. mars
Mein fyri lívið
172652