Viðgera uppskot um veiðigjald

bannari
27.11.2017 - 09:46
AktueltPolitikkur
Viðgera uppskot um veiðigjald
Í dag viðger vinnunevndin uppskotið um veiðigjald í samband við uppskotið um fiskivinnunýskipanina
 
 

Vinnunevndin viðger í dag uppskotið frá landsstýrinum um veiðigjald, sum hevur samband við uppskotið um fiskivinnunýskipan, og uppskotið um at taka av avreiðingargjaldið fyri makrel, norðhavssild, svartkjaft og botnfisk í Barentshavinum.

Skotið verður upp at taka avreiðingargjaldið fyri at landa uttanlands av, tí tað er ikki sannlíkt, at skipini megna at fiska alla kvotuna av norðhavssild í ár. Móttøkuorkan á landi er skerd, m.a. tí at Varðin Pelagic brann í grund, og kvotan er eisini størri í ár.

Nakað er eftir av makrelkvotuni í ár, og ætlanin er eisini, at kvotan fyri 2017 kann flytast til næsta ár.

Reiðarafelagið, Numo, Maskinmeistarafelagið og Búskaparráðið eru biðin um at koma á fund í vinnunevndini at siga sína hugsan um uppskotini.

Landsstýriskvinnan í fíggjarmálum, Taks, landsstýrismaðurin í fiskvinnumálum og Vørn hava eisini fingið fundarboð frá vinnunevndini.

Fiskivinnunýskipanin er eisini á skránni fyri fundin hjá vinnunevndini í dag. 
 

Nýggjastu sendingar í ÚV
Mánadag 22. oktober
Morgunlestur mánadagur 22. oktober 2018
86641
Sunnudag 21. oktober
Joanita Zachariassen vann Live 2018 á DR1
86665
Sunnudag 21. oktober
Bolero 21. okt 2018
86682
Nýggjastu sendingar í SV
Sunnudag 21. oktober
Guðstænasta úr Christianskirkjuni
86685
Leygardag 20. oktober
Andaktin
86655
Fríggjadag 19. oktober
Lyst 17
86618
Hósdag 18. oktober
Ongin dagur uttan pínu
86574
Mikudag 17. oktober
25 minuttir: Árni Olafsson
86459