Landsstýriskvinna tekur borgarstjóra upp á orðið

28.11.2017 - 07:49
AktueltHeilsa
Landsstýriskvinna tekur borgarstjóra upp á orðið
Tá hóskandi høli eru klár, verður søkt eftir kommunulækna til Havnina
Sirið Stenberg, landsstýriskvinna, sigur, at søkt verður eftir fýra kommunulæknum til Havnina.
 
 

Sirið Stenberg, landsstýriskvinna, tekur Anniku Olsen, borgarstjóra, upp á orðið, tá hon sigur, at kommunan fer at útvega kommunulæknum í Havn betri høli.

Søkt er eftir trimum kommunulæknum til Havnina. Umsóknarfreistin er til fríggjadagin, 1.desember.  

Og so sigur Sirið Stenberg, at í 2018 verður økið eftir ætlan aftur raðfest, tá ein kommunulækni afturat fer at verða settur í starv í Tórshavn. 

Hetta starvið verður lýst leyst, so skjótt sum kommunan hevur útvegað hóskandi høli til nýggja læknan.

Sirið Stenberg og Annika Olsen hava havt fund um kommunulæknaviðurskiftini í høvðusstaðnum.

Ov nógv at gera

Tað er striltið at fáa kommunulæknar í Havn, tí hvør teirra hevur ov nógv fólk at røkja. 

Harafturat eru læknar ikki nøgdir við viðtaluhølini, sum kommunan bjóðar teimum. 

Men hetta verður fingið í lag, lovar borgarstjórin.

225 fólk í Havn hava ongan kommunulækna. 

Heilsutrygd arbeiðir við at loysa hetta. 

Í teimum viðtalum, har sum eingin kommunulækni er í føstum starvi, verða avloysarar fingnir. ​


 

Nýggjastu sendingar í ÚV
Fríggjadag 19. oktober
Morgunlestur fríggjadagur 19.oktober 2018
86025
Hósdag 18. oktober
Morgunlestur hósdagur 18.oktober 2018
86024
Mikudag 17. oktober
Americana: Levon Helm
86515
Mikudag 17. oktober
Fótbóltsprát: Ein miðal landsliðsvika
86509
Mikudag 17. oktober
Morgunlestur mikudagur 17.oktober 2018
86023
Nýggjastu sendingar í SV
Hósdag 18. oktober
Ongin dagur uttan pínu
86574
Mikudag 17. oktober
25 minuttir: Árni Olafsson
86459
Mánadag 15. oktober
3-2
86447
Sunnudag 14. oktober
Andaktin
86404
Sunnudag 14. oktober
Guðstænasta úr Sandavágs kirkju
86405