Dansa aftur í New York

Dansa aftur í New York
Lógin verður sett úr gildi, sum krevur, at almenn støð, sum selja mat og drekka, skulu hava loyvi fyri at fólk kunnu dansa
 
29.11.2017 - 07:48

Tað er borgarstjórin í New York, Bill de Blasio, sum hevur skrivað undir nýggja lóg, sum setur úr gildi 91 ára gamla forboðið móti at dansa á barrum, klubbum og matstovum í býnum.

Lógin varð sett í verk í 1926, og tá varð lógin skýrd at vera rasistisk, tí hon rakti mest jazz-klubbarnar í Harlem, har svørt og hvít komu saman um tónleikin.

Ringt at fáa loyvi

Bara umleið 100 av teimum 22-túsund barrunum, matstovunum og klubbunum í New York hava dansiloyvi.

Í 1990-unum nýtti táverandi borgarstjórin, Rudy Giuliani, lógina til at raka náttklubbar í stríðnum móti kriminaliteti.

- Vit skriva nú 2017, og hendan lógin gevur onga meining. Náttarlívið er partur av tí, sum New York er, og fær fólk at koma saman, sigur Bill de Blasio, borgarstjóri.

Nú lógin verður sett úr gildi, skal New York hava ein borgarstjóra fyri náttarlívsmál, sum skal taka sær av samskiftinum millum ráðhúsið, íbúgvar og náttarlívsídnaðin, skrivar Ritzau.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585