Kristianna spyr um sálarligan harðskap

30.11.2017 - 09:10
AktueltSamfelag
Kristianna spyr um sálarligan harðskap
Skal sálarligur harðskapur kunna revsast á sama hátt sum kropsligur harðskapur? Soleiðis spyr tingkvinna, Kristianna Winther Poulsen, løgmann
 

Kristianna Winther Poulsen, tingkvinna í Javnaðarflokkinum, reisti spurningin í løgtinginum í gjár, tá hon spurdi løgmann um málið.

Kristianna Winther Poulsen greiddi frá teimum upplýsingum, sum vórðu komnar fram í Norðurlandahúsinum á altjóða degnum móti harðskapi móti kvinnum:

- Á tiltakinum kom greitt fram, at umframt likamligan harðskap er eisini sálarligur harðskapur ein stórur trupulleiki. Eingin revsing er fyri sálarligan harðskap, tí hesin er torførur at prógva, segði hon og legði afturat, at 296 av teimum 488 áheitanum, sum Kvinnuhúsið móttók í 2016, vóru vegna sálarligan harðskap.

Istanbul-sáttmálin

Ein altjóða sáttmáli er, sum fevnir um sálarligan harðskap. Hann eitur Istanbul-sáttmálin, og Kristianna Winther Poulsen vildi eisini hava at vita, um ætlanir eru at seta hann í gildi í Føroyum.

Aksel V. Johannesen, løgmaður, svaraði soleiðis:

- Tað er ikki eitt mál, sum vit hava arbeitt nakað serligt við á løgmansskrivstovuni, ti eru tað rættiliga umfatandi spurningar, sum eg havi trupult við at svara uppá í einum munnligum fyrispurningi, segði løgmaður. 

Kristianna Winther Poulsen fer nú at seta løgmanni sama spurning skrivliga.

 
Nýggjastu sendingar í ÚV
Leygardag 25. januar
Vanlukkan í Vesturísinum (3:8)
103095
Leygardag 25. januar
Kjakaríið: Andras, Theresa og Heini
103876
Leygardag 25. januar
Leygardagur 25. januar 2020
103875
Leygardag 25. januar
Morgunlesturin leygarmorgunin 25. januar 2020
103002
Fríggjadag 24. januar
Pressan: Betri miðlar - fleiri lýsingar
103834
Nýggjastu sendingar í SV
Fríggjadag 24. januar
Hyggjuráðið
103852
Hósdag 23. januar
Sí stuttfilmin: "Ikki illa meint"
103763
Mikudag 22. januar
25 minuttir: Tim Birkhead
103726
Mánadag 20. januar
3-2
103616