Reyðberg: Strórreiðarar nýtast ikki at stúra

bannari
01.12.2017 - 12:48
AktueltPolitikkur
Reyðberg: Strórreiðarar nýtast ikki at stúra
- Fiskivinnan hevur ongantíð havt betri møguleikar at standa ímóti enn nú, sigur Eyðfinn Reyðberg, fyrrverandi stjóri í Norðoya sparikassa
 
 

- Hugsa vit um kapping frá nýggjum reiðarum, so hava fýra tey størstu reiðaríini yvirhøvur einki at óttast, sigur Eyðfinn Reiðberg, siviløkonomur og fyrrverandi stjóri í Norðoya Sparikassa í samrøðu við Sosialin.

Varðin, JFK, Palli hjá Mariannu og Framherji fáa einans kapping, um fáu føroyingarnir, sum eiga nógvar pengar, velja at fara inn í vinnuna, ella um vit hava føroyingar, sum virka sum strámenn fyri útlendskar fyritøkur, sigur hann.

Roknskapirnir hjá fýra teimum størstu feløgunum siga hesa søguna.

Nettosølan er vaksin við 60 prosentum frá 2012 til 2016. Somuleiðis er framleiðslukostnaðurin vaksin við 60%. Og lønarútreiðslurnar eru eisini vaksnar við smaúm 60% hetta tíðarskeiðið. Og undir einum er ársúrslitið hjá fýra teimum størstu reiðaríunum í Føroyum vaksið heili 232% og eginpeningurin 177%.

Skulu ikki óttast kapping

- Hendan áralanga framgongdin er eindømi, tá tað kemur til fíggjarlig úrslit, sigur Eyðfinn Reyðberg við Sosialin. Hann leggur afturat, at hesin parturin av fiskivinnuni næstan ikki tørvar bankar at fíggja íløgur, men kann fíggja íløgurnar sjálvur.

- Vanligt er, at tað tekur eini 12-15 ár at afturgjalda nýggj skip. Í hesum førinum høvdu reiðaríini klárað tað eftir í mesta lagi 4-5 árum, sigur Eyðfinn Reyðberg.

Hann heldur tí, at hesi fýra reiðaríini yvirhøvur ikki nýtast at óttast kaping frá øðrum føroyskum reiðaríum.

- Tí eingin annar hevur nakran kjans at koma inn í kappingina, sigur Eyðfinn Reyðberg, siviløkonomur og fyrrverandi sparikassastjóri við Vikuskiftissosialin.


 

Nýggjastu sendingar í ÚV
Fríggjadag 19. oktober
Morgunlestur fríggjadagur 19.oktober 2018
86025
Hósdag 18. oktober
Morgunlestur hósdagur 18.oktober 2018
86024
Mikudag 17. oktober
Americana: Levon Helm
86515
Mikudag 17. oktober
Fótbóltsprát: Ein miðal landsliðsvika
86509
Mikudag 17. oktober
Morgunlestur mikudagur 17.oktober 2018
86023
Nýggjastu sendingar í SV
Hósdag 18. oktober
Ongin dagur uttan pínu
86574
Mikudag 17. oktober
25 minuttir: Árni Olafsson
86459
Mánadag 15. oktober
3-2
86447
Sunnudag 14. oktober
Andaktin
86404
Sunnudag 14. oktober
Guðstænasta úr Sandavágs kirkju
86405