Hava forðað yvirgangi móti Downing Street nr. 10

06.12.2017 - 14:07
AktueltÚtheimurin
Hava forðað yvirgangi móti Downing Street nr. 10
Bretska fregnartænastan og løgreglan, siga seg hava forðað fyri eini atsókn, sum hevði til endamáls at gera av við bretska forsætisráðharran
Mynd: Savnsmynd  
 
 

Bretska fregnartænastan og løgreglan, siga seg hava forðað fyri eini islamskari atsókn, sum hevði til endamáls at gera av við bretska forsætisráðharran, Theresu May, upplýsa keldir fyri Sky News.

Hetta  var bert ein av ætlaðu atsóknum, sum løgreglan hevur forðað fyri í ár, upplýsir miðilin.

Avdúkingin varð mett so álvarslig, at stjórin fyri MI5 sjálvur kunnaði polittikararnar um støðuna í gjár.

- Sambært tí sum Sky News hevur fingið at vita, var ætlanin at fremja eina atsókn við Downing Street nr. 10 við einari heimagjørdari bumbu og síðani at gera av við Theresu May, forsætisráðharra.

Sambært tí, sum er komið fram, so hava bæði Scotland Yard, MI5 og løgreglan í West Midlands, arbeitt við málinum í fleiri vikur.

Í farnu viku vórðu tveir mans tiknir av vápnaðum løgreglufólkum, og teir eru skuldsettir fyri ætlanir um yvirgang. Menninir eru 20 og 21 ára gamlir, og skuldu koma fyri rættin í dag.

Fleiri atsóknir gjøgnum árini

Trygdareftirlitið við Downing Street nr. 10 er nógv hert seinastu nógvu árini, tí fleiri atsóknir hava verið. Í 1991 søkti norðurírski loysingarbólkurin, IRA, at bústaðnum hjá forsætisráðharranum við einum heimagjørdum bumbuvarpara. Táverandi forsætisráðharrin, John Major, var í bygninginum, men hann fekk ikki skaða, tí bumban brast í garðinum.


Sjey ár fyri ta hendingina, royndi IRA at gera av við Margareth Thatcher, forsætisráðharra, við eini atsókn at einum hotelli í Bright, har Konservativi Flokkurin hevði landsfund, men hon fekk ikki mein av hendingini.
 

Nýggjastu sendingar í ÚV
Mánadag 22. januar
Við Tórði á túri á Oyrareingjum
76755
Mánadag 22. januar
Norðurljóð 22.januar 2018
76753
Mánadag 22. januar
Á Quiztinum, 1. innleiðandi umfar
76747
Mánadag 22. januar
Meg Minnist: Jón Rasmussen (1:2)
76734
Sunnudag 21. januar
Glasgentan -17.01.2010
17178
Nýggjastu sendingar í SV
Mánadag 22. januar
3-2
76765
Sunnudag 21. januar
Andaktin
76724
Sunnudag 21. januar
Møti úr Hebron á Argjum
76720
Fríggjadag 19. januar
Lyst 2
76671
Hósdag 18. januar
Archibald Black, við føroyskum teksti
76646