Pedagogar og arbeiðsgevarar hittast í morgin

06.12.2017 - 16:57
AktueltSamfelag
Pedagogar og arbeiðsgevarar hittast í morgin
Partarnir standa langt frá hvørjum øðrum, sigur Terje Sigurðsson, semingsmaður
 
 

Pedagogar og arbeiðsgevarar hittast í morgin á fundi við semingsmanninum í eini roynd at gera nýggjan sáttmála.

Fundurin millum partarnar verður klokkan 10 fyrrapartin, sigur Terje Sigurðsson, semingsmaður. Hetta er fyrstu ferð, at partarnir hittast á fundi, síðan samráðingarnar slitnaðu fríggjadagin og semingsstovnurin varð biðin um at koma upp í leikin.

Terje Sigurðsson var tíðliga seinnapartin í dag á fundi við Føroya Pedagogfelag, og í gjár hitti hann Lønardeildina hjá Fíggjarmálaráðnum og Kommunala Arbeiðsgevarafelagið fyri at lodda dýpið.

Partarnir standa langt frá hvørjum øðrum, váttar Terje Sigurðsson. Hann vil ikki nærri inn á, hvørjir eru størstu stríðsspurningarnir í hesum samráðingunum. Ikki nærri enn tað, at tað sjálvandi snýr seg um pengar.

Enn hevur hann onga hóming av, hvussu langa tíð, semingin fer at taka, og um tað í heila tikið ber til at finna eina semju.

Tað var fríggjadagin, at semingsstovnurin varð boðsendur, tí so langt var millum partarnar.

Nýggjastu sendingar í ÚV
Mikudag 17. oktober
Americana: Levon Helm
86515
Mikudag 17. oktober
Fótbóltsprát: Ein miðal landsliðsvika
86509
Mikudag 17. oktober
Morgunlestur mikudagur 17.oktober 2018
86023
Týsdag 16. oktober
Morgunlestur týsdagur 16.oktober 2018
86022
Mánadag 15. oktober
Við Tórði á túri til roysnissteinar
86442
Nýggjastu sendingar í SV
Mikudag 17. oktober
25 minuttir: Árni Olafsson
86459
Mánadag 15. oktober
3-2
86447
Sunnudag 14. oktober
Andaktin
86404
Sunnudag 14. oktober
Guðstænasta úr Sandavágs kirkju
86405
Fríggjadag 12. oktober
Lyst 16
86308