Russland er útihýst frá vetrar-OL

06.12.2017 - 09:40
ÍtrótturAnnar ítróttur
Russland er útihýst frá vetrar-OL
Altjóða olympiska nevndin, IOC, boðaði í gjárkvøldið frá, at Russland er útihýst frá vetrar-Olympisku leikunum í PyenongChang næsta ár
Alexander Legov, sum vann gull í Sotji, hevði tikið doping
Mynd: © AP-tíðindastovan  
 
 

Orsøkin eru avdúkingarnar um umfatandi dopingnýtslu millum russisku ítróttarfólkini. Málið hevur verið kannað í fleiri ár.

Tó kunnu nøkur russisk ítróttarfólk luttaka á vetrarleikunum, men tað verður undir olympiska flagginum og í neutralum búna. Og sama, hvussu tað gongst russisku ítróttarfólkunum, so verður Russland í hagtølum fyri heiðursmerki skrásett fyri null-heiðurmerki.

Olympiska nevndin hittist á fundi í gjár, og eftir fundin komu boðini um framtíðina hjá Russlandi í OL.

Skipað doping

Í frágreiðing, seint í 2015, avdúkaði altjóða antidoping-stovnurin, Wada, skipaða og umfatandi doping í Russlandi. 

Wada-stovnurin hevur avdúkað, at fleiri russisk ítróttafólk vóru dopað undir vetrarolympisku leikunum í Sotji í 2014.

Sambært frágreiðingini varð skipan ment til at býta um land-royndir frá ítróttarfólkum við reinar landroyndir uttan dopingevni.

Politikari úthýstur

Aftrat hesum er russiski ítróttaráðharrin, Vitaly Mutko, sum nú er stjóri fyri nevndini, sum skipar fyri HM í fótbólti í 2018, eisini útihýstur frá OL restina av ævi síni, tí hann hevur verið við til skipaða doping millum russisk ítróttafólk.

Altjóða sambandið fyri frælsan ítrótt, IAAF, úthýsti beinanvegin Russlandi frá øllum altjóða ítrótti, - og tað eru russarar framvegis.

Gølan breiddi seg til eisini at fevna um onnur ítróttarfólk enn bara innan frælsa ítrótt. Men kortini avgjørdi IOC ikki at koyra Russland úr summarOlympisku leikunum, sum tá vóru í Rio.

Tað elvdi til sera fløktar mannagongdir í ymsu sersambondunum fyri at avgera, hvørjir russarar skuldu góðkennast, og hvørjir ikki skuldu góðkennast, skrivar Ritzau.

Duman í øðini

Boðini frá Altjóða olympisku nevndini fullu ikki í góða jørð í russisku dumuni.  Vara-framsøgumaðurin hjá russisku dumuni, Igor Lebedev, segði ígjárkvøldið, at útihýsingin er niðurgerðing av Russlandi, og at besti útvegur fyri Russland er at boykotta OL.

Ivan Melnikov, sum eisini er vara-framsøgufólk í dumuni sigur, at endamálið við hesum politikki at jagstra russisk ítróttarfólk hevur eittans endamál, - at niðurgerða Russland og russiska fólkið. Hann mælir til, at russisk ítróttarfólk heldur ikki luttaka undir neutralum flaggi.

Russiski forsetin, Vladimir Putin, tekur støðu í málinum seinni í dag.

Velja sjálv

Fleiri russiski ítróttarleiðarar eru tó ikki samdir við politikarum í dumuni.

- Eg haldi, at okkara ítróttarfólk skulu sjálv gera um, um tey taka av møguleikanum at luttaka, segði Jelena Vælbe, leiðari fyri russiska skí-sambandinum.

Vetrarleikirnir í PyeongChang byrja 9. februar og vara í góðar tvær vikur.

 


 

Nýggjastu sendingar í ÚV
Leygardag 17. november
Upp á tá - 16.11.18
87849
Leygardag 17. november
ALSO: Ein dagbók er ikki privat
87847
Leygardag 17. november
Hvat gera skálabørn eftir skúlatíð
87822
Leygardag 17. november
Góðan morgun Føroyar 16.11.18
87844
Nýggjastu sendingar í SV
Leygardag 17. november
Hvat bagir? (3:8)
87232
Fríggjadag 16. november
Lyst 21
87771
Hósdag 15. november
Tað er nú vit liva
87775
Hósdag 15. november
25 minuttir: Høgni Rasmussen
87753
Hósdag 15. november
Tore leitar (5:5)
87211