Vilja sleppa at gifta 9 ára gamlar gentur í Iran

06.12.2017 - 09:51
AktueltSamfelag
Vilja sleppa at gifta 9 ára gamlar gentur í Iran
Tað hevur fingið øði í andstøðuna í iranska parlamentinum, nú lógaruppskot um giftingaraldurin hjá gentum er til viðgerðar
Mynd: © EPA  
 
 

Andstøðan er bersøgin og sigur, at lógaruppskotið er tað sama sum at geva loyvi til at neyðtaka børn.

Ískoyti til gamla lóg

Tjóðartingslimir í konservativa flokkinum hava lagt fram uppskotið, sum skal verða ískoyti til lógina frá 1959, sum ásetur, at kvinnur skulu vera 18 ára gamlar fyri at kunna giftast.  Lógin varð sett í verk stutt eftir at einræði í Iran fór í søguna og avgerðarmyndugleikin varð fluttur frá andliga leiðaranum til statin og løgmálaráðið.

Sambært nýggja uppskotinum verður gamla lógin galdandi, men tað skal eisini verða loyvt at søkja um at gifta gentur, um andligi leiðarin hjá Sita ella Sunni-muslimum tekur undir við tí.

Avgerðin liggur hjá andliga leiðaranum

Faiq al-Sheikh, tinglimur, sigur við AFP-tíðindastovuna, at dómarar skulu taka atlit til andliga leiðaran.

Sambært iransku søguni, og islamsku trúnni, hevur tað verið loyvt at gifta gentur so ungar sum 9 ára gamlar, - tí hildið verður, at Aisha var 9 ára gomul, tá hon giftist Mohammed-profeti.

Ammar Toama, í konservativa flokkinum, sigur, at einki aldursmark er í uppskotinum, men at sagt verður, at brúðurin skal vera búgvin og kunna taka egna avgerð, - so kann hon fáa samtykki frá andliga leiðara sínum og dómaranum, sigur Ammar Toama.

ST hevur ávarað ímóti at samtykkja hetta uppskotið. ST heitir á iransku stjórnina um at vera á varðhaldi ímóti kynsligum ágangi móti kvinnum og gentum.

Nýggjastu sendingar í ÚV
Hósdag 19. juli
Morgunlestur hósdagin 19. juli 2018
82859
Mikudag 18. juli
Summartímin mikudagin 18. juli
83468
Mikudag 18. juli
Summartímin týsdagin 17. juli
83453
Mikudag 18. juli
Morgunlestur mikudagin 18. juli 2018
82858
Týsdag 17. juli
Ein dreymaferia í Nashville
82844
Nýggjastu sendingar í SV
Leygardag 14. juli
Video: Vestanstevna 2018, 10mf
83337
Leygardag 14. juli
Video: Vestanstevna 2018, 5mf kvinnur
83336
Leygardag 14. juli
Video: Vestanstevna 2018, 8mf
83335
Leygardag 14. juli
Video: Vestanstevna 2018, 6mf menn
83334
Leygardag 14. juli
Video: Vestanstevna 2018, 5mf dreingir
83333