Landsverk mælir frá allari óneyðugari koyring

07.12.2017 - 07:10
AktueltSamfelag
Landsverk mælir frá allari óneyðugari koyring
Tað er vánaligt veður, og hann øtlar vindin næstu tímarnar. Tað er ikki koyrandi eftir Oyndarfjarðar- og Gjáarvegnum, sigur Landsverk
 
 

Norðanfyri og vestanfyri er mesti vindurin. Tíðliga í morgun regnaði, men nú verður kaldari, - niður móti frostmarkinum, og vit fáa kavasletting ella kava.

Tað er nakað av krapu og hálku í norðara og vestara parti av landinum. 

Árni Jacobsen, økisleiðari hjá Landsverk, greiddi í tíðindunum klokkan 07 frá, at tað ikki er koyrandi eftir Oyndarfjarðar- og Gjáarvegnum. 

Á Vestmannavegnum er nakað av jarðroki, segði hann. Blandingin av vindi og hálku ger, at koyrilíkindini ikki eru tey bestu í morgun. 

Landsverk mælir frá allari óneyðugari koyring, tí tað er rættiliga nógvur vindur - frá 30-50 metrar um sekundi við hørðum hvirlum, segði Árni Jacobsen við tíðindini í morgun. 

Avlýsingar klokkan 07:

Strandferðslan hevur fleiri avlýsingar.

Allar leiðirnar hjá Bygdaleiðum í morgun eru avlýstar. 
 
Og strandfaraskipið, Smyril, fór ikki av Krambatanga í morgun klokkan seks, og siglur sostatt heldur ikki túrin av Havnini klokkan 8.30.

Tú kanst fáa nærri upplýsingar um ferðaæltanir í dag á heimasíðuni ssl.fo.

Sunda kommuna boðar eisini frá á heimasíðu síni, at eingin skúlagongd verður í skúlunum, og eingin dagstovnur er opin í Sunda Kommunu í dag.

Og í Havn koyra bussleið 4 og 5 ikki fyribils.

Kunngerðir klokkan 07:

Fyri veður er eingin skúlagongd í dag.
Skúlin í MIðvági og skúlin á Giljanesi

Vegna vánalig veðurlíkindi er skúlagongdin avlýst í dag.
Skúlin við Streymin

Frá Miðnámi á Kambsdali
Skúlagongdin í dag er avlýst
Miðnám á Kambsdali

Barnagarðurin og frítíðarskúlin á Eiði eru stongdir í dag fyri veður.

 

Kunngerðir verða dagførdar allan dagin og kunnu síggjast her

Nýggjastu sendingar í ÚV
Hósdag 18. oktober
Morgunlestur hósdagur 18.oktober 2018
86024
Mikudag 17. oktober
Americana: Levon Helm
86515
Mikudag 17. oktober
Fótbóltsprát: Ein miðal landsliðsvika
86509
Mikudag 17. oktober
Morgunlestur mikudagur 17.oktober 2018
86023
Týsdag 16. oktober
Morgunlestur týsdagur 16.oktober 2018
86022
Nýggjastu sendingar í SV
Mikudag 17. oktober
25 minuttir: Árni Olafsson
86459
Mánadag 15. oktober
3-2
86447
Sunnudag 14. oktober
Andaktin
86404
Sunnudag 14. oktober
Guðstænasta úr Sandavágs kirkju
86405
Fríggjadag 12. oktober
Lyst 16
86308