Løgreglan hevur fingið um 50 fráboðanir

Løgreglan hevur fingið um 50 fráboðanir
Illveðrið herjar á, og løgreglan hevur nú fingið umleið 50 skaðafráboðanir. Nakrir skaðar eru fráboðaðir í Norðoyggjum
 
07.12.2017 - 11:16

Finn Hansen, átaksleiðari í Norðoyggjum, segði við tíðindini í dag, at støðan í Norðoyggjum er stabil. 

- Vit hava nakrir mans til arbeiðis í Klaksvík, og so eru einir fýra mans á Viðareiði, tí har eru nakrir skaðar eisini, sigur hann og leggur afturat, at talan er ikki um stórar skaðar enn. 

Men í hesum veðrinum fáa teir ikki farið upp á tøkini, sigur hann.

Sum skilst á Finn Hansen, so leikar tað harðast á í Viðareiði í løtuni. 

Mæla frá at fara út í Norðragøta

Fyrr í dag, boðaði løgreglan frá, at vindurin í Norðragøtu var so nógvur, at fólk ikki skuldu fara út. 

John Olsen, vakthavandi á politistøðini, segði við Kringvarpið í morgun, at fleiri tekjur eru farnar í Norðragøtu. Har liggja stór stykkir og fúka runt í bygdini, og tí skulu fólk lata vera við at fara út at ganga ella koyra óneyðuga. 

Hann fortelir eisini, at løgreglan hevur móttikið skaðafráboðanir kring alt landið.

Løgreglan heitir á fólk um at sjálvi herberga lutum, sum fúka í vindinum eitt nú við at leggja grót á.  

Er kopiera
Nýggjastu sendingar í ÚV
Nýggjastu sendingar í SV
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Týsdag 26. mars
Veðrið
172832
Mánadag 25. mars
Beautyvarpið við Tanju
172718