Neyv virðismeting krevur ov nógva umsiting

07.12.2017 - 07:41
AktueltPengar
Neyv virðismeting krevur ov nógva umsiting
Skattanevndin heldur, at grundarlagið undir fastognarskatti eigur at vera ein ikki so neyv virðismeting. Tí eigur skatturin ikki at vera stórur
Um politikararnir áseta skatt á sethúsum, eigur tey ikki at virðismetast so neyvt, tí tað krevur nógva umsiting, sigur Skattanevndin.
Mynd: Savnsmynd  
 
 

Ein neyv virðismeting at brúka sum grundarlag fyri fastognarskatti, tað er skattur av bústaði, krevur ov nógva umsiting.

Tí skulu minni neyvar virðismetingar brúkast í fyrstani.

Hóast Skattanevndin einki beinleiðis tilmæli hevur um fastognarskatt, hevur hon kortini eitt hugskot um, hvussu hann kann fyrireikast. 

Skattanevndin mælir frá at gera sera neyvar virðismetingar at brúka sum grundarlag undir fastognarskattinum.

Tí slík virðismeting er sera krevjandi at umsita.

Fyrireiking

Skattanevndin mælir tí til at byrja fyrireikingararbeiðið til fastognarskatt við at byggja á minni neyvar virðismetingar av bústøðum. 

Men av tí, at ein slík virðismeting ikki er serliga neyv, eigur fastognarskatturin ikki vera høgur. 

Skattanevndin heldur, at landsstýrið eigur at seta ein arbeiðsbólk til at gera uppskot um virðismeting, tá ella um landsstýrið heldur tað vera rætt at hava fastognarskatt. 

200 milliónir

Skattanevndin nevnir sum dømi, at 1000 kr. í miðal um mánaðin í fastognarskatti geva landskassanum 200 mió. kr.

Skattanevndin sigur, at ein fyrimunur við fastognarskatti er, at hann hevur við sær javnari skatting av avkastinum av íløgum í bústaðir og í egnan bústað sammett við aðrar íløgur. 

Harafturat kann hann breiðka inntøku- og skattagrundarlagið hjá landinum og fíggja landsskattalætta. 

Nýggjastu sendingar í ÚV
Mánadag 18. desember
Við Tórði á jólatúri
75662
Mánadag 18. desember
Meg minnist: Simme Jacobsen (2:2)
75647
Mánadag 18. desember
Morgunlestur mánadagur 18. desember 2017
75571
Sunnudag 17. desember
Guðstænasta í Vestmanna kirkju
75633
Sunnudag 17. desember
Bolero
75632
Nýggjastu sendingar í SV
Mánadag 18. desember
Savnsgull: Slóðin 3:3
75661
Sunnudag 17. desember
Møti um borð á Brimli
75637
Sunnudag 17. desember
Andaktin
75636
Hósdag 14. desember
Koba & Vatnhamar II (4:4)
75534
Hósdag 14. desember
Savnsgull: Slóðin 2:3
75542