ES stevnir egnum limalondum

ES stevnir egnum limalondum
ES nevndin hevur nú stevnt trimum av sínum egnu limalondum fyri ES dómstólin, tí tey ikki vilja taka ímóti sínum parti av flóttafólkum
 
08.12.2017 - 11:24

Talan er um Poland, Kekkia og Ungarn.

Nú málið er lagt fyri dómstólin, byrjar enn eitt eljustríð ímillum limalondini um, hvør ræður og stjórnar ES.

Tað var í september í 2015, at ES samtykti at býta 120.000 flóttafólk ímillum limalondini, Tað hendi, eftir eitt sera hvast og hart orðaskifti í ES tinginum.

Grikkaland og Italia vóru um at verða runnin yvir enda av nógvu flóttafólkunum, sum tá komu, og tí máttu nógv flóttafólk sendast til onnur lond.

Fleiri ES lond í Eystureuropa vóru hart ímóti ætlanini, men tey taptu tá atkvøtt var, og tað hevur síðani havt við sær ógvusliga ósemju á fleiri økjum í ES.

Ungarn og Slovakia hava roynt at fáa samtyktina setta úr gildi, men ES dómstólurin gav teimum ikki viðhald í tí.

Hóast tað, so hava londini ikki latið markið upp fyri flóttafólkum, og tey hava heldur ikki givið nakrar ábendingar um, at tey fara at gera tað.

Tí hevur ES nevndin nú gjørt av at leggja málið fyri ES dómstólin til endaliga avgreiðslu.
 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585