Ongar ábendingar um atkvøður

bannari
08.12.2017 - 12:50
AktueltPolitikkur
Ongar ábendingar um atkvøður
Løgtingið umrøður við aðru viðgerð fiskivinnunýskipanina, men enn veit eingin hvussu støðan verður, tá atkvøðast skal um uppskotið
 
 

Tingfundurin í morgun byrjaði ikki fyrr enn næstan ein tíma seinni enn ætlað. Orsøkin var ikki ósemja um fiskivinnunýskipanina, men veðrið og koyrilíkindini tarnaðu tingfólkum at koma til arbeiðis.

Andstøðan mælir frá at samtykkja uppskotið, men líkt er til, at Kristin MIchelsen, sum fór av landinum í morgun, hevur klearað við onkran tinglim í andstøðuni. Hetta merkir at ein samgongulimir, sum ætlar at atkvøða ja, ger eina avtalu við ein andstøðulim, sum ætlar at atkvøða nei. 

Ivasamt um atkvøður hjá samgongulimum

Semja er heldur ikki í Framsókn um uppskotið, sum tað er orðað nú, og Hanna Jensen, tingkvinna hjá Framsókn, segði við in.fo fyri løtu síðani, at hon ikki vil siga, hvussu hon fer at atkvøða.

Poul Michelsen, formaður í Framsókn, segði fyrr í morgun, at flokkurin fer at fylgja gongdini í dag og kanna, hvat talan er um. Og skulu broytingar gerast, so mugu tær gerast millum aðru og triðju viðgerð, segði hann.

Eingin Kristin 

Rógvi Olavson var staddur í løgtinginum fyrrapart, og hann segði við útvarpið at samgongan ikki er heilt fullmannað. 16 fólk eru stødd í Løgtinginum, sum væntandi atkvøða ja til uppskotið um fiskivinnunýskipan. 

- Tað letur upp fyri, at andstøðan rýmir av tingfundinum áðrenn atkvøðugreiðsluna seinni í dag ella í kvøld. Tað kann andstøðan gera. Eg hoyrdi eitt andstøðufólk siga, at hann ætlaði ikki at gera hetta, tí tað fór at útseta pínuna, sum hann orðaði seg, segði Rógvi Olavsson. 

Hendir tað, at andstøðan rýmir úr tingfundinum, so verður atkvøðugreiðslan útsett, tí tað skulu vera 17 tinglimir til staðar, um ein atkvøðugreiðsla skal fara fram. Tá Kristin Michelsen ikki er til staðar, eru bara 16 fólk eftir, um andstøðan rýmir.

Nýggjastu sendingar í ÚV
Mánadag 16. juli
Dumparin er mítt arbeiðspláss
83367
Mánadag 16. juli
Morgunlestur mánadagin 16. juli 2018
82856
Sunnudag 15. juli
HM-tíðindi 15. juli
83350
Sunnudag 15. juli
Arkitekturur á útoyggj - Svínoy
83034
Sunnudag 15. juli
Gudstænasta í Sandavágs kirkju
83346
Nýggjastu sendingar í SV
Leygardag 14. juli
Video: Vestanstevna 2018, 10mf
83337
Leygardag 14. juli
Video: Vestanstevna 2018, 5mf kvinnur
83336
Leygardag 14. juli
Video: Vestanstevna 2018, 8mf
83335
Leygardag 14. juli
Video: Vestanstevna 2018, 6mf menn
83334
Leygardag 14. juli
Video: Vestanstevna 2018, 5mf dreingir
83333