Tingfundur um fiskivinnunýskipan

bannari
08.12.2017 - 09:38
AktueltPolitikkur
Tingfundur um fiskivinnunýskipan
Fyrsta málið á skránni er onnur viðgerð av fiskivinnunýskipanini, og óvist er um samgongan er mannað til at viðgera uppskotið
 
 

Tað er ógreitt hvat hendir á tingfundinum sum eftir skránni skal byrja hvørja løtu. Ein annar spurningur er, um ikki órógvið er størri í samgonguni nú, enn tað hevur verið um uppskotið.

Tí tað er ikki bara í Javnaðarflokkinum, at órógv er, tí órógv er eisini í Framsókn.

Tá álitið kom fram, segði Hanna Jensen, tingkvinna, at tey 8,5%, sum skulu latast til menningarkvotur, er alt ov stórur. Framsókn vildi at byrja við ikki taka undir við menningarkvotunum, men góðtók síðani at 5% kundu fara til menningarkvotur, sum síðani vóru hækkaðar upp í 7 prosent, og í álitinum til 8,5%.

Tað er ikki eydnast okkum at fáa orðið á Honnu Jensen í morgun, men Poul Michelsen, formaður í Framsókn sigur, at flokkurin fer at fylgja gongdini í dag og kanna, hvat talan er um. Og skulu broytingar gerast, so mugu tær gerast millum aðru og triðju viðgerð, sigur hann.

Stór óvissa í løgtinginum

Um Javnaðarflokkurin er mannaður til orðaskiftið í dag, er eisini ógreitt.

Kristin Michelsen er farin av landinum í morgun, sum hann hevur boðað frá.

Hann segði við útvarpið fyrradagin, at hann hevði boðað Akseli V. Johannesen, løgmanni, frá ferðini, sum var fyrireikað í fleiri mánaðir. Hann vildi kortini ikki siga nakað um, um hann fór at fáa onkran annan at taka sæti á tingi fyri seg, ella um hann fór at kleara við onkran tinglim. Um so er, so má tað vera onkur í andstøðuni, og gitt verður eisini, hvør tað kann vera.

Aksel V. Johannesen, løgmaður, segði í gjárkvøldið, at hann hevði tað álit á Kristini Michelsen, at hann annaðhvørt fór at biðja ein annan tinglim úr Javnaðarflokkinum koma á ting fyri seg, ella at hann klearaði við onkran annan. Meir vildi løgmaður ikki siga.

Kemur eitt annað umboð fyri Javnaðarflokkin í løgtingið, so verður tað Bjørg Dam úr Havn.

Vísir tað seg, at Kristin Michelsen hevur klearað við onkran tinglim, so kann andstøðan rýma úr tingsalinum, og so ber ikki til at sta tingfundin, tí tá vera bert 16 samgongufólk á fundi.

Hendir tað, so má løgtingsformaðurin slíaa fundin, taka málið um fiskivinnunýskipanina av skránni, og so seta nýggjan tingfund til at viðgera hini málini.

Trý onnur uppskot koma til viðgerðar í løgtinginum í dag, og eitt av teimum er uppskotið frá Miðflokkinum um at leingja verandi fiskivinnuskipan í eitt ár.

Nýggjastu sendingar í ÚV
Leygardag 20. oktober
Morgunlestur leygardagur 20.oktober 2018
86026
Fríggjadag 19. oktober
Pressan: Rigmor, R7 og Andøvsløtan
86616
Fríggjadag 19. oktober
Mín avrikslisti (2:3)
86609
Fríggjadag 19. oktober
Morgunlestur fríggjadagur 19.oktober 2018
86025
Hósdag 18. oktober
Morgunlestur hósdagur 18.oktober 2018
86024
Nýggjastu sendingar í SV
Fríggjadag 19. oktober
Lyst 17
86618
Hósdag 18. oktober
Ongin dagur uttan pínu
86574
Mikudag 17. oktober
25 minuttir: Árni Olafsson
86459
Mánadag 15. oktober
3-2
86447
Sunnudag 14. oktober
Andaktin
86404