Frádráttur fyri gjald til yrkisfeløg

11.12.2017 - 08:47
AktueltPolitikkur
Frádráttur fyri gjald til yrkisfeløg
Ein meiriluti í fíggjarnevndini tekur undir við uppskotinum hjá Sonju Jógvansdóttir, um at fakfelagslimir kunnu draga limagjald frá í skatti
 
 

Tjóðveldi, Miðflokkurin og Javnaðarflokkurin í fíggjarnevndini siga, at uppskotið javnsetir partarnar á arbeiðsmarknaðinum, tí galdandi lóg heimilar bara arbeiðsgevarum henda frádrátt.

Samstundis er hetta ein skattalætti til vanligar lønmóttakarar, sum eru limir í fakfelag, sigur meirilutin.

Minnilutin mælir frá at samtykkja

Minnilutin, Sambandsflokkurin og Fólkaflokkurin, sigur, at allir flokkar í tinginum hava tikið undir við bruttoskattaskipanini til tess at gera umsitingina so einfalda, sum til ber.

Tí er ein botnfrádráttur í landsskattinum í staðin fyri ymiskar frádráttir, eisini frádráttur fyri gjald til yrkisfeløg.

Vil samgongan lata ein lætta, eigur hon heldur at hækka botnfrádráttin í landsskattinum, siga Sambandsflokkurin og Fólkaflokkurin í fíggjarnevndini, sum mæla tinginum frá at samtykkja uppskotið.

Ruth í Vang í Framsókn, sum eisini er forkvinna í fíggjarnevndini, sigur í sínum áliti, at hon tekur støðu í tingsalinum. 

Uppskotið hjá Sonju Jógvansdóttir kemur til 2. viðgerð í tinginum í dag, og tá verður eisini atkvøtt í málinum. 

Nýggjastu sendingar í ÚV
Hósdag 19. juli
Morgunlestur hósdagin 19. juli 2018
82859
Mikudag 18. juli
Summartímin mikudagin 18. juli
83468
Mikudag 18. juli
Summartímin týsdagin 17. juli
83453
Mikudag 18. juli
Morgunlestur mikudagin 18. juli 2018
82858
Týsdag 17. juli
Ein dreymaferia í Nashville
82844
Nýggjastu sendingar í SV
Leygardag 14. juli
Video: Vestanstevna 2018, 10mf
83337
Leygardag 14. juli
Video: Vestanstevna 2018, 5mf kvinnur
83336
Leygardag 14. juli
Video: Vestanstevna 2018, 8mf
83335
Leygardag 14. juli
Video: Vestanstevna 2018, 6mf menn
83334
Leygardag 14. juli
Video: Vestanstevna 2018, 5mf dreingir
83333