Góðar 47 milliónir afturat í inntøku næsta ár

Góðar 47 milliónir afturat í inntøku næsta ár
Fíggjarmálaráðið hevur sent Fíggjarnevndini nýggj tøl fyri landskassan
Nýggja metingin fyri 2018 hjá Fíggjarmálaráðnum.
 
11.12.2017 - 09:10

Landskassin fer at hava 47,4 mió. kr. meira í nettoinntøkum næsta ár enn uppskotið um fíggjarlóg fyri 2018 sigur.

Tað fekk Fíggjarnevndin at vita fríggjadagin.

Millum annað verður landsskatturin 15 milliónir størri enn mett varð í summar.

Grundarlagið fyri hesari meting hjá Fíggjarmálaráðnum er gongdin nú í 2017 framskrivað góð trý prosent. 

Partafelagsskatturin verður tíggju milliónir størri og kapitalvinningsskatturin 20 milliónir størri, enn mett varð, tá uppskotið um fíggjarlóg varð gjørt. 
 
Gjøldini til Heilsutrygd verða tríggjar milliónir størri.

Skrásetingaravgjaldið fyri bilar verður sjey milliónir krónur størri næsta ár.

Minni rentur

Landsbankin sigur, at renturnar hjá landskassanum verða fimm milliónir krónur minni enn hildið fyrr í ár.

Og nettorentuinntøkurnar av innistandandi verða 2,6 mió. kr. lægri í 2018 enn mett í fíggjarlógaruppskotinum.  

Punktgjøldini, sum eru avgjøld á eitt nú tubakki, rúsdrekka og bensini, verða eisini minni enn mett. Talan er um tríggjar milliónir krónur.

Og Fíggjarmálaráðið væntar sjey milliónir minni í loyvisgjaldi frá alivinnuni.

Í øllum førum brúkar Fíggjarmálaráðið gongdina í ár til at endurskoða tølni í uppskotinum um fíggjarlóg fyri næsta ár.

Løgtingið hevur ikki enn avgreitt lógaruppskotini, sum avgera, hvussu nógv landskassin fær frá fiskivinnuni í 2018. So har ber ikki til enn at gera nýggja meting. 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585