Ferðastuðul til lesandi lækkar

12.12.2017 - 16:03
AktueltPolitikkur
Ferðastuðul til lesandi lækkar
Ferðastuðulin til lesandi lækkar niður í 1500 krónur á nýggjárinum. Samstundis fáa tey, ið lesa hægri lestur, lestrarstuðul í allar 12 mánaðir
 
 

Ferðastuðulin til lesandi lækkar úr 2.400 krónum niður í 1500 krónur á nýggjárinum, men samstundis fáa tey ið lesa hægri lestur lestrarstuðul í allar 12 mánaðir í árinum, Tað er ein mánaði meira enn nú.

Ein meiriluti í Trivnaðarnevndini mælir løgtinginum til at samtykkja uppskotið um broyting í stuðulsupphæddunum, sum Rigmor Dam, landsstýriskvinna, legði fyri løgtingið.

Meirilutin í Trivnaðarnevndini, umboðini hjá samgonguni, vísa á, at í 2016 fingu stakir uppihaldarar 12. stuðulsmánaðin, og lesandi á hægri lestri fingu 500 krónur meira um mánaðin í studningi.

Studning alt árið

Við hesum uppskotinum fáa øll lesandi á hægri útbúgvingum og á styttri vinnuførleikagevandi útbúgvingum studningin til livikostnað útgoldnan í juli, sum áður hevur verið undantikin. 

Tað vil siga, at tey lesandi fáa eftir uppskotinum eisini lestrarstuðul í 12 mánaðir, so leingi útbúgvingin varir - t.v.s. ikki juli mánað, tá ein útbúgving endar í juni. 12. mánaðin fevnir eisini um lestrarlán. 

Mánaðarligi stuðulin verður við broytingini 4.315,00 kr. og lestrarlánsupphæddin í mesta lagi 2.419,00 kr. um mánaðin. 

Bjørn Kalsø vísir í sínum minnilutaáliti á, at hann tekur undir við at hækka stuðulin, men tekur ikki undir við at lækka ferðastuðulin.

Jógvan á Lakjuni tekur støðu til uppskotið í tingsalinum.

Samsvarar við galdandi ferðaseðlaprísir

Tá uppskotið varð lagt fram, varð upplýst, at landið sparir 1,7 milliónir krónur um árið, tá ferðastuðulin lækkar. Men tað kostar umleið 5 milliónir krónur at rinda stuðul í 12 mánaðir.

Upplýst varð eisini, at ein ferðaseðil aftur og fram til Danmarkar nú kann keypast fyri góðar 1200 krónur.

Broytingin í ferðastudninginum uttanlands hevur við sær, at upphæddirnar til lesandi og børn teirra lækka, men kortini samsvara við galdandi ferðaseðlaprísir til lesandi. 

Uppskotið fær aðru viðgerð á seinni fundi, upplýsti løgtingsformaðurin.

Nýggjastu sendingar í ÚV
Hósdag 16. august
Morgunlestur hósdagin 16. august 2018
82950
Mikudag 15. august
Morgunlestur mikudagin 15. august 2018
82949
Týsdag 14. august
Summartímin mánadagin 13. august
84214
Týsdag 14. august
Morgunlestur týsdagin 14. august 2018
82947
Mánadag 13. august
Summartímin fríggjadagin 10. august
84177
Nýggjastu sendingar í SV