- Tíðindi, mentan og ítróttur
Tunnilsgrót til at breiðka veg kostar eina millión
Við verandi prísi fer grótið úr Gøtudalstunlinum at kosta 33,6 mió. kr. at keypa.
Prísurin er 103 kr. fyri rúmmeturin, tá grótið verður brúkt sum fylla í vegir.
Uppskot er í løgtinginum um at breiðka vegin frá Millum Fjarða til Funningsfjarðar og gjøgnum bygdina Funningsfjørð.
Fíggjarnevndin spurdi Landsverk, hvussu nógv grótið úr einum tunli millum Skálafjørð og Gøtudal kostar, um tað skal brúkast til vegargerð.
Helvtin kann brúkast
Ætlandi kann okkurt um helvtin av grótinum úr Gøtudalstunlinum brúkast til vegarfyllu. Tað kostar tí 15 mió. kr.
Verkætlan er ikki gjørd um vegin til Funningsfjarðar, sum sambært uppskotinum hjá Bill Justinussen skal breiðkast.
Landsverk hevur tí gjørt eina meting, sum sigur, at grótið til tann vegin fer at kosta eina millión krónur.